قر قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆا تٶلەم جاساۋعا قابٸلەتسٸز بانكتەردەن جەنە پروبلەمالىق كرەديتتەردەن تازارتۋ جۇمىستارى تۋرالى ايتىپ بەردٸ, دەپ حابارلايدى قازاقپارات تٸلشٸسٸ.
«2021 جىلى بانك سەكتورىن تٶلەم جاساۋعا قابٸلەتسٸز بانكتەردەن جەنە جيناقتالعان پروبلەمالىق كرەديتتەردەن قالپىنا كەلتٸرۋ اياقتالدى. سوڭعى ەكٸ جىلدا نارىقتان 5 بانك كەتتٸ. 2017 جىلدان باستاپ 8 بانكتٸڭ ليتسەنزيياسى قايتارىپ الىندى, 3 ٸرٸ بانك شوعىرلاندىرىلدى. جالپى العاندا, 2017-2021 جىلدارى 6,6 ترلن تەڭگە سوماداعى كرەديتتەر ەسەپتەن شىعارىلدى», - دەدٸ م. ەبٸلقاسىموۆا قازاقستان قارجىگەرلەرٸنٸڭ IX كونگرەسٸندە..
ونىڭ ايتۋىنشا, بانك سەكتورىن تازارتۋ نەتيجەسٸندە NPL اۋقىمدى انىقتاماسىن سيپاتتايتىن پروبلەمالىق جەنە قايتا قۇرىلىمدالعان كرەديتتەر دەڭگەيٸ 2017 جىلعى 40%-دان 2021 جىلعى قازانعا قاراي 10%-عا دەيٸن 4 ەسە تٶمەندەدٸ. بۇل رەتتە 90 كٷننەن استام مەرزٸمٸ ٶتكەن NPL ٶزٸ 4,3%-دى قۇرادى.
«جۇمىس ٸستەمەيتٸن اكتيۆتەردٸ بانكتەر بالانسىنان ەسەپتەن شىعارۋعا قاراماستان, بانك جٷيەسٸنٸڭ اكتيۆتەرٸ سوڭعى ٷش جىلدا 41%-عا ۇلعايىپ, 35,6 ترلن تەڭگەنٸ قۇرادى. 2019-2020 جىلدارى جٷرگٸزٸلگەن اكتيۆتەر ساپاسىن باعالاۋ (AQR) كاپيتالدىڭ قاجەتتٸ قورى بار ەكەنٸن جٷيەلٸك جەنە جەكە دەڭگەيدە راستادى. AQR قورىتىندىسى بويىنشا 2020 جىلى بانكتەردٸڭ اكتسيونەرلەرٸ بانكتەردٸ 128 ملرد تەڭگەگە ٷستەمە كاپيتالداندىردى, قوسىمشا پروۆيزييالار ەسەرٸ جەنە اكتيۆتەر ساپاسىن جاقسارتۋ بويىنشا شارالار 600 ملرد تەڭگە سوماعا باعالاندى. نەتيجەسٸندە بٷگٸنگٸ كٷنٸ بانكتەردٸڭ كاپيتال جەتكٸلٸكتٸلٸگٸ 25% بولدى, بۇل ەڭ از تالاپتاردان 3 ەسەگە ارتىق», - دەدٸ اگەنتتٸك تٶراعاسى.
