اۋا رايىنىڭ قولايسىزدىعىنا قاراماستان, ەلٸمٸزدە 16,4 ملن توننا استىق باستىرىلىپ, ورتاشا ٶنٸمدٸلٸگٸ 10,3 تس/گا قۇرادى, دەپ حابارلايدى "ۇلت اقپارات" اۋىل شارۋاشىلىعى مينيسترلٸگٸنە سٸلتەمە جاساپ.
باستاپقى سالماقتا 80,8 مىڭ توننا قاراقۇمىق جينالدى, بۇل 2020 جىلعى دەڭگەيدەن 76% ارتىق. سونداي-اق, قارا بيداي جيناۋ قورىتىندىسى بويىنشا ٶتكەن جىلمەن سالىستىرعاندا 43% ارتىق, دەندٸك جٷگەرٸ 22,6%, بۇرشاق داقىلدارى 1,3% ارتىق جينالدى. باستاپقى سالماقتاعى تارى ٶنٸمدٸلٸگٸ ٶتكەن جىلمەن سالىستىرعاندا - 15%, جٷگەرٸ 5% ارتتى.
جاڭا ەگٸننٸڭ استىعى جوعارى ساپالى كٶرسەتكٸشتەرگە يە. مەسەلەن, ليتسەنزييالانعان استىق قابىلداۋ كەسٸپورىندارىنا تاپسىرىلعان جۇمساق بيدايدىڭ جالپى كٶلەمٸنٸڭ 90,5%-ى 1-3 سىنىپتارعا جاتقىزىلعان, 2020 جىلى بۇل كٶرسەتكٸش 81,2%-دى قۇراعان بولاتىن.
قۇرامىندا دەنماڭىزى جوعارى بيداي ٷلەسٸنٸڭ ايتارلىقتاي ٶسۋٸ بايقالادى. 3-سىنىپتى جۇمساق بيداي كٶلەمٸندە ەلەمدٸك نارىقتا جوعارى سۇرانىسقا يە جوعارى ساپالى HI-Pro بيدايىنىڭ ٷلەسٸ شامامەن 60%-دى قۇرايدى.
جالپى, ٶسٸرٸلگەن استىق ٸشكٸ نارىقتى تولىق قامتاماسىز ەتۋ ٷشٸن, سونداي-اق ەكسپورتقا بەلگٸلٸ بٸر كٶلەمدٸ جٶنەلتۋ ٷشٸن دە جەتكٸلٸكتٸ.
سونىمەن قاتار, 3,9 ملن توننا كارتوپ, 4,9 ملن توننا كٶكٶنٸس داقىلدارى, 2,8 ملن توننا باقشا داقىلدارى جينالدى.
مايلى داقىلداردى جيناۋ جالعاسۋدا, ولاردىڭ جالپى جيناۋ الاڭىنان 3,0 ملن گا (96,6%) جينالدى, 2,3 ملن توننا باستىرىلدى.
