بيىل اۋىل شارۋاشىلىعى داقىلدارىنىڭ جالپى ەگٸس الاڭى 23 ملن گەكتاردى قۇرادى. بۇل كٶلەم 2020 جىلمەن سالىستىرعاندا 322 مىڭ گەكتارعا ارتىق, دەپ حابارلايدى "ۇلت اقپارات".
«دەندٸ جەنە دەندٸ-بۇرشاقتى داقىلدار - 16,1 ملن گەكتار (ونىڭ ٸشٸندە بيداي – 12,9 ملن گا), مايلى داقىلدار-3,1 ملن گەكتار, كٶكٶنٸس جەنە كارتوپ – 473,8 مىڭ گەكتار, ماقتا - 109,7 مىڭ گەكتار, قانت قىزىلشاسى –21,7 مىڭ گەكتار, جەم-شٶپ داقىلدارى 3,2 ملن گەكتار القاپتا ورنالاستىرىلدى. بيىل ەگٸن جيناۋ ناۋقانى ۋاقتىلى باستالدى جەنە بٷگٸندە ەل بويىنشا بارلىعى 7,9 ملن گەكتار دەندٸ جەنە دەندٸ-بۇرشاقتى داقىلدار نەمەسە جالپى جيناۋ الاڭىنىڭ 49,4 پايىزى جينالدى», - دەلٸنگەن قر اۋىل شارۋاشىلىعى مينيسترلٸگٸ مەلٸمەتٸندە.
اعىمداعى ورتاشا ٶنٸمدٸلٸك گەكتارىنا 8 تسەنتنەر قۇراپ, 6,3 ملن توننا استىق باستىرىلدى. ەگٸن جيناۋ جۇمىستارى باستالاتىن ۋاقىتقا اۋىل شارۋاشىلىعى تاۋارىن ٶندٸرۋشٸلەر بارلىق قاجەتتٸ تەحنيكانى دايىنداعان.
جالپى, ەگٸن جيناۋ جۇمىستارىن جٷرگٸزۋ ٷشٸن رەسپۋبليكادا 141,7 مىڭ تراكتور, 73,5 مىڭ تراكتور تٸركەمەسٸ, 36,9 مىڭ استىق جينايتىن كومباين, 12,8 مىڭ دەستەلەگٸش بار.
رەسپۋبليكادا استىقتى ساقتاۋدىڭ جالپى سىيىمدىلىعى 28,8 ملن توننا, ونىڭ ٸشٸندە استىق قابىلداۋ كەسٸپورىندارىندا 12 ملن توننا, اۋىل شارۋاشىلىعى تاۋارىن ٶندٸرۋشٸلەردە 16,8 ملن توننانى قۇرايدى. كٶرسەتٸلگەن ساقتاۋ سىيىمدىلىعى ٶتكەن جىلدان قالعان استىق كٶلەمدەرٸن ەسكەرە وتىرىپ, جاڭا ەگٸندٸ ساقتاۋ ٷشٸن جەتكٸلٸكتٸ.
