قازاقستان مۇسىلماندارى دٸني باسقارماسى جانىنان «حالىق ارنا» رەسپۋبلكيالىق تەلەارناسى اشىلادى, دەپ حابارلايدى "ۇلت اقپارات".
«قازاقستان مۇسىلماندارى دٸني باسقارماسىنىڭ قۇرىلعانىنا 30 جىل تولۋىنا وراي كٶپتەگەن يگٸ شارالار ۇيىمداستىرىلدى. پاندەمييا كەزٸندە مٷفتييات قايىرىمدىلىق باعىتتا بٸرقاتار شارالار اتقاردى. سونىمەن قاتار كارانتين كەزٸندە ونلاين ناسيحات جۇمىستارىنىڭ ماڭىزى ارتتى. دەگەنمەن اقپارات عاسىرىندا جاڭا تەحنولوگييانى يگەرٸپ, ناسيحات جٷرگٸزۋ مەن اقپارات تاراتۋدىڭ تەلەۆيزييالىق تەسٸلٸن ٶزٸمٸزدەن باسقارۋدى ۇيعاردىق. وسىعان وراي قمدب جانىنان رەسپۋبليكالىق «حالىق ارنا» اتتى تٶل تەلەارنامىزدى اشقالى وتىرمىز», - دەلٸنگەن دٸني باسقارما تاراتقان اقپاراتتا.
قازٸرگٸ تاڭدا ارناعا قاجەتتٸ كونتەنتتٸ جيناقتاۋ جۇمىسى اياقتالدى. دٸني باعىتتاعى باعدارلامالار, سۇحباتتار, سيۋجەتتەر مەن بەينە-روليكتەردٸڭ باسىم بٶلٸگٸ قمدب-نىڭ باس كەڭسەسٸندە تٷسٸرٸلەدٸ. ارنانى «وتاۋ تۆ» مەن «الما تۆ» كابەلدٸك جەلٸلەرٸنەن كٶرۋگە بولادى.
ەرتەڭ, 3 قاراشا كٷنٸ ٶتەتٸن تەلەارنانىڭ اشىلۋىنا قمدب تٶراعاسى, باس مٷفتي ناۋرىزباي قاجى تاعانۇلى, ەلگە بەلگٸلٸ قوعام قايراتكەرلەرٸ قاتىسادى.
