دەنە شىنىقتىرۋ مۇعالٸمدەرٸ ساباقتان تىس سپورت ساباقتارىن جٷرگٸزگەنٸ ٷشٸن بازالىق لاۋازىمدىق جالاقىدان 100 پايىز مٶلشەرٸندە قوسىمشا اقى الۋى مٷمكٸن. بۇل تۋرالى قر مەدەنيەت جەنە سپورت مينيسترٸ اقتوتى رايىمقۇلوۆا مەلٸم ەتتٸ, دەپ حابارلايدى "قازاقپارات".
«مەملەكەت باسشىسىنىڭ 2019 جىلعى قازاقستان حالقىنا جولداۋىن ٸسكە اسىرۋ بويىنشا جالپىۇلتتىق ٸس-شارالار جوسپارىنىڭ 64-تارماعىن ورىنداۋ اياسىندا دەنە شىنىقتىرۋ جەنە بۇقارالىق سپورتتى دامىتۋ جٶنٸندەگٸ 2020-2025 جىلعا ارنالعان كەشەندٸ جوسپارى ەزٸرلەندٸ. بۇل جوسپاردا مٷددەلٸ مەملەكەتتٸك ورگانداردىڭ, جەرگٸلٸكتٸ اتقارۋشى ورگانداردىڭ ۇسىنىستارى تولىق ەسكەرٸلiپ, قر پرەمەر-مينيسترٸمەن بەكٸتٸلدٸ. 2016 جىلى ەلباسى نۇرسۇلتان ەبٸشۇلى نازارباەۆ ٶزiنiڭ جارلىعىمەن حالىقتى دەنە شىنىقتىرۋ جەنە سپورتپەن جٷيەلٸ تٷردە شۇعىلدانۋعا تارتۋ دەڭگەيٸن 35% - عا دەيٸن ارتتىرۋدى تاپسىرعان بولاتىن. بۇل كەشەندٸ جوسپار وسى كٶرسەتكٸشكە قول جەتكٸزۋدٸ جەنە حالىقتىڭ دەنە شىنىقتىرۋ مەن سپورتپەن اينالىسۋى ارقىلى سالاۋاتتى ٶمٸر سالتىنا ۇمتىلىسىن قالىپتاستىرۋدى كٶزدەيدٸ», - دەدٸ مينيستر ورتالىق كوممۋنيكاتسييالار قىزمەتٸندەگٸ ونلاين باسپاسٶز مەسليحاتىندا.
بۇل تۇرعىدا حالىقتىڭ بارلىق جاس ساناتتارى اراسىندا دەنە شىنىقتىرۋ مەن بۇقارالىق سپورتتى دامىتۋدى جەنە بالالار ٷشٸن سپورتتىق ينفراقۇرىلىمعا بارىنشا قول جەتكٸزۋ جٶنٸندەگٸ شارالار قامتىلعان. كەشەندٸ جوسپار 34 تارماق پەن 5 نەگٸزگٸ باعىتتان تۇرادى: نورماتيۆتٸك-قۇقىقتىق قامتاماسىز ەتۋ, مەكتەپ جەنە ستۋدەنتتٸك سپورت, سپورت جەلٸلەرٸن كەڭەيتۋ, سالاۋاتتى ٶمٸر سالتىن ناسيحاتتاۋ جەنە كەڭٸنەن تاراتۋ, سپورتتىق-بۇقارالىق ٸس-شارالارى.
بۇقارالىق سپورتتى دامىتۋ, سونداي-اق دەنە شىنىقتىرۋمەن جەنە سپورتپەن شۇعىلداناتىنداردىڭ سانىن ارتتىرۋ ماقساتىندا كەشەندٸ جوسپاردا نەگٸزگٸ باعىتتار بويىنشا قازاقستان رەسپۋبليكاسىنىڭ 8 زاڭنامالىق اكتٸسٸنە 33 تٷزەتۋ ەنگٸزە وتىرىپ, بۇقارالىق سپورت جٶنٸندەگٸ زاڭ جوباسى پارلامەنت مەجٸلٸسٸنە ەنگٸزٸلدٸ.
«زاڭ جوباسىنا دەنە شىنىقتىرۋ مۇعالٸمدەرٸنە ساباقتان تىس سپورت ساباقتارىن جٷرگٸزگەنٸ ٷشٸن بازالىق لاۋازىمدىق جالاقىدان 100 پايىز مٶلشەرٸندە قوسىمشا اقى ەنگٸزٸلٸپ وتىر. سونداي-اق, زاڭ جوباسىندا ۇلتتىق سپورت تٷرلەرٸن دامىتۋ بويىنشا شارالار كٶزدەلگەن. بٸلٸم بەرۋدٸڭ بارلىق دەڭگەيلەرٸندە دەنە تەربيەسٸ بويىنشا ساباقتاردا دەنە شىنىقتىرۋ جەنە سپورت سالاسىنداعى ۋەكٸلەتتٸ ورگان بەكٸتكەن تٸزبەگە سەيكەس, ۇلتتىق سپورت تٷرلەرٸ بويىنشا مٸندەتتٸ كومپونەنت كٶزدەلٸپ وتىر», - دەدٸ اقتوتى رايىمقۇلوۆا.
