14 شٸلدەدە قازاقستاندا 5314 ادامنىڭ كوروناۆيرۋس تەستٸ وڭ شىقتى. بۇل – كوروناۆيرۋس كٶرسەتكٸشٸ بويىنشا جاڭا رەكورد. بۇعان دەيٸن بٸر كٷندە وسىنشا كٶپ ناۋقاس تٸركەلمەگەن. سونىمەن قاتار پتر تەستٸ تەرٸس شىققان 127 ادامعا كوروناۆيرۋس پنەۆمونيياسى دياگنوزى قويىلدى.
ٶتكەن اپتادان بەرٸ كوروناۆيرۋستىڭ رەكوردتىق كٶرسەتكٸشٸ قاتارىنان بٸرنەشە كٷن ٷزدٸكسٸز جاڭارىپ كەلەدٸ.
ەلدە ۆيرۋس كٷشەيدٸ. دەنساۋلىق ساقتاۋ مينيسترلٸگٸ بٸر كٷن بۇرىن پەسسيميستٸك بولجام بويىنشا, تامىز ايىندا كٷنٸنە 6 مىڭنان استام ناۋقاس تٸركەلەدٸ دەپ مەلٸمدەگەن.
بيلٸك ورگاندارى ٸندەتتٸڭ ٶرشۋٸن كوروناۆيرۋستىڭ "دەلتا ۆاريانتىمەن" بايلانىستىرادى. ٷندٸستاندا انىقتالعان بۇل ۆاريانت قازاقستاندا العاش رەت ماۋسىمنىڭ سوڭىندا تٸركەلگەن. جاڭا ۆاريانت العاشقى ۆاريانتقا قاراعاندا ەدەۋٸر جۇقپالى.
14 شٸلدەدە نۇر-سۇلتاندا 1576 ادامنان كوروناۆيرۋس تابىلعان. ٸندەت باستالعالى بەرٸ استانادا بٸر كٷندە وسىنشا كٶپ ناۋقاس تٸركەلمەگەن. الماتىدا – 850, قاراعاندى وبلىسىندا – 603, اتىراۋ وبلىسىندا – 299, شىمكەنتتە – 416, باتىس قازاقستان وبلىسىندا – 234, اقمولا وبلىسىندا – 160, ماڭعىستاۋ وبلىسىندا – 189, پاۆلودار وبلىسىندا - 156, اقتٶبە وبلىسىندا – 204, الماتى وبلىسىندا – 144, قوستاناي وبلىسىندا 104 ناۋقاس تٸركەلدٸ. قالعان وبلىستاردا ونداعان ناۋقاس انىقتالعان.
قازاقستاندا كوروناۆيرۋسپەن بايلانىستى ادام ٶلٸمٸ كٶرسەتكٸشٸ دە جوعارى. 13 شٸلدەدە 57 ادام كوروناۆيرۋستان قايتىس بولعان: 47 ادام – كوروناۆيرۋستان, 10 ادام كوروناۆيرۋس پنەۆمونيياسىنان كٶز جۇمدى دەپ ايتىلادى.
رەسمي مەلٸمەت بويىنشا, قازاقستاندا 2020 جىلدىڭ ناۋرىز ايىنان بەرٸ 472 106 ادامنىڭ كوروناۆيرۋس تەستٸ وڭ شىققان. 4816-ى قايتىس بولعان. بۇعان كوروناۆيرۋس جۇقتىرىپ قايتىس بولعان 2300-دەن استام ادامنىڭ ٶلٸمٸ كٸرمەي قالعان. دەنساۋلىق ساقتاۋ مينيسترلٸگٸنٸڭ تٷسٸندٸرۋٸنشە, ولار "ٶزگە اۋرۋدان قايتىس بولعان". بٸراق ددسۇ نۇسقاۋلىعىندا وقىس جاعدايدان ٶزگەنٸڭ بەرٸن كوروناۆيرۋس ٶلٸمٸ ستاتيستيكاسىنا قوسۋ قاجەت دەپ جازىلعان.
ٷكٸمەت بىلتىر تامىزدان بەرٸ كوروناۆيرۋسقا ۇقسايتىن پنەۆمونييا ەسەبٸن جٷرگٸزٸپ كەلەدٸ. 13 شٸلدەگە دەيٸن 58 213 ادام پنەۆمونييانىڭ وسى تٷرٸنە شالدىققان. 3514-ٸ قايتىس بولعان. ەكٸ كٷن بۇرىن 127 ادام كوروناۆيرۋس پنەۆمونيياسىنا شالدىققان. بيلٸك بۇل دەرەكتٸ كوروناۆيرۋستىڭ نەگٸزگٸ ستاتيستيكاسىنا قوسپاي وتىر.
15 شٸلدەدە قىزىلوردا وبلىسى "قىزىل ايماقتار" قاتارىنا كٸردٸ. وسىلايشا قازٸر "قىزىل ايماقتا" ٷش ٸرٸ قالا مەن 10 وبلىس تۇر: نۇر-سۇلتان, الماتى, شىمكەنت قالالارى, پاۆلودار, اتىراۋ, قاراعاندى, اقمولا, قوستاناي, اقتٶبە, ماڭعىستاۋ, باتىس قازاقستان, سولتٷستٸك قازاقستان, قىزىلوردا وبلىستارى. الگوريتمگە سەيكەس, "قىزىل ايماقتاردا" كارانتين كٷشەيەدٸ. "سارى ايماقتا" الماتى وبلىسى, جامبىل مەن قىزىلوردا وبلىستارى قالعان. تٷركٸستان مەن شىعىس قازاقستان وبلىستارى "جاسىل ايماقتا".
قازٸر قازاقستان بويىنشا 47 مىڭ ادام كوروناۆيرۋستان ەمدەلٸپ جاتىر. 15,2 مىڭى ستاتسيوناردا جاتىر. 126 ادام جاساندى تىنىس اپپاراتىنا قوسىلعان.
قازاقستاندا اقپان ايىنان بەرٸ حالىققا كوروناۆيرۋسقا قارسى ۆاكتسينا سالىنا باستادى. سودان بەرٸ 4 ملن 705 مىڭ ادام ۆاكتسينانىڭ كەمٸندە بٸر دوزاسىن العان. 2 ملن 597 مىڭ ادام ۆاكتسينانىڭ ەكٸ دوزاسىن العان.
دجونس حوپكينس ۋنيۆەرسيتەتٸنٸڭ مەلٸمەتٸنشە, ەلەمدە ٸندەت باستالعالى بەرٸ 188 ملن 302 مىڭ ادام كوروناۆيرۋسقا شالدىققان. 4 ملن 57 مىڭى قايتىس بولعان.
