قازاقستاندا بلوگەرلەرگە قاتىستى زاڭ كٷشٸنە ەندٸ

© pixabay / irfanahmad

قازاقcتاندا "ونلاين-پلاتفورمالار جەنە ونلاين-جارناما تۋرالى" زاڭ كٷشٸنە ەندٸ. بۇدان بىلاي بلوگەرلەر جالعان اقپارات تاراتقانى ٷشٸن ەكٸمشٸلٸك جاۋاپقا تارتىلادى. ال ينتەرنەتتە جارناما جاسايتىندار جەكە كەسٸپكەر رەتٸندە تٸركەلۋٸ شارت, دەپ حابارلايدى Sputnik قازاقستان. 

توقاەۆ قول قويعان زاڭدا "ونلاين-پلاتفورما پايدالانۋشىسى" جەنە "ينفليۋەنسەر (بلوگەر)" دەگەن ۇعىمداردىڭ انىقتاماسى جازىلدى. سونداي-اق ولاردىڭ قۇقىقتارى مەن مٸندەتتەرٸ كٶرسەتٸلگەن. ال ونلاين-پلاتفورما يەلەرٸ جالعان اقپاراتپەن كٷرەس جەنە سالىقتان جالتارۋ بويىنشا مەملەكەتتٸك ورگاندارمەن بٸرلەسٸپ جۇمىس ٸستەۋگە مٸندەتتەلەدٸ.

ول ٷشٸن ينتەرنەت پلاتفورمانىڭ زاڭدى ٶكٸلٸ بەلگٸلەنەدٸ. ال پلاتفورمانىڭ ٶزٸندە پايدالانۋشىلاردىڭ سانىن انىقتايتىن باعدارلاما ورناتىلادى.

زاڭعا قايشى كونتەنت انىقتالعان جاعدايدا زاڭدى ٶكٸلگە ول اقپاراتتى جويۋعا حابار بەرٸلەدٸ. تالاپ ورىندالماسا, قۇزٸرەتتٸ ورگان ونلاين-پلاتفورمانىڭ قىزمەتٸن شەكتەۋگە قۇقىلى. ال ادام ٶمٸرٸنە قاۋٸپ تٶندٸرەتٸن كونتەنت جارييالانسا, ونلاين-پلاتفورمانىڭ زاڭدى ٶكٸلٸ قۇقىق قورعاۋ ورگاندارىنا حابار بەرۋگە تيٸس.

بالاعا كيبەربۋللينگ جاسالعان جاعدايدا ونداي اككاۋنتتار بۇعاتتالۋى شارت. سونداي-اق زاڭدا ونلاين-پلاتفورمالاردىڭ ينتەرفەيسٸنە مەملەكەتتٸك تٸلدٸ ينتەگراتسييالاۋ مٸندەتٸ ەنگٸزٸلدٸ. سوندا قازاق تٸلٸندەگٸ كونتەنت تە قاداعالانادى. بٷگٸندە جارنامانىڭ الپىس پايىزى ينتەرنەتتە جارييالانادى. ونىڭ كٶلەمٸ تريلليونداعان اقشا بولۋى مٷمكٸن.

زاڭ بويىنشا ينتەرنەت ارقىلى تابىس تاباتىن بلوگەرلەر ەندٸ سالىق تٶلەۋگە مٸندەتتەلەدٸ. ينتەرنەتتە جارنامامەن اقشا تاباتىن ادامدار كەسٸپكەر رەتٸندە تٸركەلۋٸ كەرەك. سونداي-اق ٶز پاراقشاسىندا ونلاين-جارناما جارييالاعاندا جارنامانىڭ بەلگٸسٸن قويۋعا مٸندەتتٸ.

جالعان اقپارات ٷشٸن جاۋاپكەرشٸلٸك

زاڭ جوباسىنداعى تاعى بٸر جاڭاشىلدىق – جالعان اقپارات ٷشٸن سالىناتىن ايىپپۇل.

وسىعان بايلانىستى ەكٸمشٸلٸك قۇقىق بۇزۋشىلىق تۋرالى كودەكسكە "456-2" دەگەن جاڭا باپ ەنگٸزٸلەدٸ. وندا ونلاين پلاتفورما پايدالانۋشىلارى مەن بلوگەرلەرگە جالعان اقپارات تاراتقانى ٷشٸن ەكٸمشٸلٸك جاۋاپكەرشٸلٸك قاراستىرىلعان.

ەكٸمشٸلٸك ايىپپۇل سوماسى:

• جەكە تۇلعالار ٷشٸن 20 اەك (69 000 تەڭگە);

• كەسٸپكەرلٸك قىزمەتپەن اينالىساتىن بلوگەرلەر ٷشٸن – 30 اەك (103 500 تەڭگە);

• شاعىن كەسٸپكەرلٸك سۋبەكتٸلەرٸ, كوممەرتسييالىق ەمەس ۇيىمدار ٷشٸن - 40 اەك (138 000 تەڭگە);

• ورتا كەسٸپكەرلٸك سۋبەكتٸلەرٸ ٷشٸن – 80 اەك (276 000 تەڭگە);

• ٸرٸ كەسٸپكەرلٸك سۋبەكتٸلەرٸ ٷشٸن – 100 اەك (345 000 تەڭگە).

ال قۇقىق بۇزۋشىلىق بٸر جىلدا قايتالانسا, ايىپپۇلدىڭ كٶلەمٸ ەكٸ ەسەگە ٶسەدٸ. تٸپتٸ, قاماۋعا الۋ جازاسىن دا قولدانۋى مٷمكٸن:

• جەكە تۇلعالارعا - 40 اەك (138 000 تەڭگە) نەمەسە 10 تەۋلٸككە دەيٸنگٸ مەرزٸمگە ەكٸمشٸلٸك قاماۋعا الۋ;

• بلوگەرلەرگە - 15 اەك (51 750 تەڭگە) مٶلشەرٸندە ايىپپۇل نەمەسە 15 تەۋلٸككە دەيٸنگٸ مەرزٸمگە ەكٸمشٸلٸك قاماۋعا الۋ;

• شاعىن كەسٸپكەرلٸك سۋبەكتٸلەرٸ مەن كوممەرتسييالىق ەمەس ۇيىمدارعا - 60 اەك (207 000 تەڭگە);

• ورتا كەسٸپكەرلٸك سۋبەكتٸلەرٸنە - 120 اەك (414 000 تەڭگە); ٸرٸ كەسٸپكەرلٸك سۋبەكتٸلەرٸنە - 250 اەك (862 500 تەڭگە).