اۋىل شارۋاشىلىعى مينيسترلٸگٸ ەلەۋمەتتٸك ماڭىزدىلىعىنا بايلانىستى 2020 جىلى جارما داقىلىنىڭ القابىن ۇلعايتۋدى كٶزدەپ وتىر, دەپ حابارلايدى "ۇلت اقپارات".
«ەلٸمٸزدٸڭ جەكەلەگەن وبلىستارى ٷشٸن ٶتكەن جىل قىسىلتاياڭ بولدى. اتاپ ايتقاندا, 2019 جىلدىڭ ەگٸن جيناۋ قورىتىندىسى بويىنشا 17,4 ملن توننا استىق باستىرىلدى. بۇل 2018 جىلعى دەڭگەيدەن 2,9 ملن تونناعا نەمەسە 14,3 پايىزعا تٶمەن. شٸلدە-تامىز ايلارىنداعى اپتاپ ىستىق ۇزاق جاڭبىرعا ۇلاسىپ, مۇنىڭ سالدارى جينالعان ٶنٸم كٶلەمٸنە دە, ساپاسىنا دا ەسەر ەتتٸ», - دەدٸ اۋىل شارۋاشىلىعى ۆيتسە-مينيسترٸ ايداربەك ساپاروۆ ۆەدومستۆونىڭ القا مەجٸلٸسٸندە.
ۆيتسە-مينيستردٸڭ ايتۋىنشا, جالپى نەگٸزگٸ اۋىل شارۋاشىلىعى داقىلدارىنىڭ كٶپشٸلٸگٸ بويىنشا ٶندٸرٸس كٶلەمٸ مەن ٶنٸمدٸلٸك ورتاشا ٶسٸمدٸ كٶرسەتكەن.
«اقتٶبە جەنە ماڭعىستاۋ وبلىستارىن قوسپاعاندا بارلىق وبلىس جەمشٶپ داقىلدارى بويىنشا مەموراندۋمنىڭ ينديكاتيۆتٸ كٶرسەتكٸشتەرٸنە قول جەتكٸزبەگەنٸن جەكە اتاپ ٶتكٸم كەلەدٸ. وبلىس ەكٸمدٸكتەرٸنە جەمشٶپ داقىلدارىنىڭ القابىن كەڭەيتۋ ٷشٸن جاعدايدى تٷزەتۋ بويىنشا شارا قابىلداۋ قاجەت. 2020 جىلى اۋىل شارۋاشىلىعى داقىلدارىن 22,5 ملن گا جەرگە ەگۋ جوسپارلانۋدا. بۇل كٶرسەتكٸش 2019 جىلعى دەڭگەيدەن 240 مىڭ گا ارتىق», - دەدٸ ول.
بيىل مايلى, جەمشٶپ, كٶكٶنٸس-باقشا داقىلدارى مەن كارتوپتىڭ القابى ۇلعايتىلماق.
«ٶتكەن جىلى قاراقۇمىق القابى 2018 جىلمەن سالىستىرعاندا 29,4 مىڭعا قىسقارعانىن ايتا كەتۋ كەرەك. القاپتاردىڭ كٷرت قىسقارۋى شىعىس قازاقستان (11,7 مىڭ گا), پاۆلودار (9,2 مىڭ گا), قوستاناي (7,0 مىڭ گا) وبلىستارىندا بايقالدى. بۇل قاراقۇمىق جارماسىنىڭ قۇنىنا ەسەر ەتٸپ, بارلىق ٶڭٸردە ونىڭ قىمباتتاۋىنا ەكەپ سوقتىردى. وسىعان بايلانىستى اتالعان جارما داقىلىنىڭ القابىن ونىڭ ەلەۋمەتتٸك ماڭىزدىلىعىنا بايلانىستى ۇلعايتۋ قاجەت دەپ سانايمىز», - دەدٸ ايداربەك ساپاروۆ.
