21 قىركٷيەكتە قازاقستاندا 2411 ادامنىڭ اناليزٸنەن كوروناۆيرۋس انىقتالدى. كەيٸنگٸ اپتالاردا كوروناۆيرۋس كٶرسەتكٸشٸ ازايىپ, كٷنٸنە 2-2,5 مىڭ اينالاسىندا ناۋقاس تٸركەلٸپ كەلەدٸ. بٸراق ادام ٶلٸمٸ ەلٸ دە ازايماي وتىر.
سەيسەنبٸ كٷنٸ الماتىدا – 498, قاراعاندى وبلىسىندا – 396, الماتى وبلىسىندا – 232, نۇر-سۇلتاندا – 187, پاۆلودار وبلىسىندا 188 ادامنىڭ پتر تەستٸ وڭ شىققان.
ٸندەت باستالعالى بەرٸ 867 مىڭ ادامنىڭ پتر تەستٸ وڭ شىققان. 10 860-ى قايتىس بولعان. 20 قىركٷيەكتە 50 ادام كوروناۆيرۋستان قايتىس بولدى.
قازاقستاندا پنەۆمونييانىڭ كوروناۆيرۋسقا ۇقساس تٷرٸنە شالدىققاندار 2020 جىلدىڭ 1 تامىزىنان بەرٸ ەسەپكە الىنىپ كەلەدٸ. بىلتىر قازاقستاندا جازدا جيٸ كەزدەسپەيتٸن ٶكپەنٸڭ قابىنۋى ٶرشٸگەن كەزدە ددسۇ "ٶلٸم قاۋپٸ جوعارى قازاقستاندىق پنەۆمونييا" – دۇرىس انىقتالماعان Covid دەپ مەلٸمدەگەن.
2020 جىلدىڭ تامىزىنان بەرٸ ەلدە 74 مىڭ كوروناۆيرۋس پنەۆمونيياسىنا شالدىققان. 61 مىڭى جازىلعان. 4760 ادام قايتىس بولعان. 20 قىركٷيەكتە 9 ادام سودان كٶز جۇمعان. 311 ادامعا كوروناۆيرۋس پنەۆمونيياسى دياگنوزى قويىلعان.
قازٸر 67 مىڭ ادام كوروناۆيرۋستان ەمدەلٸپ جاتىر. 12,1 مىڭى ستاتسيوناردا جاتىر. 1000 ادامنىڭ جاعدايى اۋىر, 248 ادامنىڭ جاعدايى تىم اۋىر. 143 ناۋقاس جاساندى تىنىس اپپاراتىنا قوسىلعان.
قازٸر تٷركٸستان, ماڭعىستاۋ مەن جامبىل وبلىستارى "جاسىل ايماقتا". شىمكەنت قالاسى, سولتٷستٸك قازاقستان, باتىس قازاقستان, شىعىس قازاقستان, قىزىلوردا, اتىراۋ, الماتى وبلىستارى "سارى ايماقتا". نۇر-سۇلتان, الماتى قالالارى, اقمولا, اقتٶبە, قاراعاندى, قوستاناي, پاۆلودار وبلىستارى "قىزىل ايماقتا" تۇر.
كوروناۆيرۋسقا قارسى ۆاكتسينانىڭ تولىق دوزاسىن العاندار 6,2 ملن ادامعا جەتتٸ. 1,1 ملن ادام ەكٸنشٸ دوزاسىن كٷتٸپ جٷر.
ٸندەت باستالعالى بەرٸ ەلەمدە كوروناۆيرۋس جۇقتىرعاندار 229 ملن ادامعا جەتتٸ. 4,7 ملن ادام قايتىس بولدى.
