كەشە, 5 قازاندا قازاقستاندا 1828 ادامنىڭ كوروناۆيرۋس تەستٸ وڭ كٶرسەتتٸ. دەنساۋلىق ساقتاۋ سالاسىنىڭ ماماندارى كەيٸنگٸ اپتالاردا ٸندەت بەسەڭدەگەنٸن ايتادى. قازٸر كٷنٸنە 2 مىڭعا دەيٸن ناۋقاس تٸركەلٸپ جٷر.
سەيسەنبٸ كٷنٸ الماتى قالاسىندا 419 ناۋقاستان Covid انىقتالعان. نۇر-سۇلتاندا 290 ادام كوروناۆيرۋسقا شالدىققان. قالعان قالالار مەن وبلىستاردا 200-دەن از ناۋقاس تٸركەلگەن.
قازٸر نۇر-سۇلتان, الماتى قالالارى جەنە پاۆلودار, سولتٷستٸك قازاقستان وبلىستارى "قىزىل ايماقتا" تۇر. تٷركٸستان, جامبىل, ماڭعىستاۋ, قىزىلوردا وبلىستارى – "جاسىل ايماقتا". قالعانى "سارى ايماقتا".
2020 جىلدىڭ ناۋرىز ايىنان بەرٸ 896 مىڭ ادامنىڭ پتر تەستٸ وڭ شىققان. باسىم بٶلٸگٸ جازىلعان. 11 389-ى قايتىس بولعان. 4 قازاندا 39 ادام قايتىس بولعان.
قازاقستاندا پنەۆمونيياعا كوروناۆيرۋسقا ۇقساس تٷرٸنە شالدىققاندار 2020 جىلدىڭ تامىز ايىنان بەرٸ ەسەپكە الىنا باستادى. سودان بەرٸ 76 مىڭ ناۋقاس تٸركەلگەن. 63 مىڭى جازىلعان. 4875-ٸ قايتىس بولعان. 4 قازاندا 7 ادام كٶز جۇمعان. 235 ادامعا كوروناۆيرۋس پنەۆمونيياسى دياگنوزى قويىلدى.
قازٸر رەسپۋبليكا بويىنشا 56 مىڭ ادام كوروناۆيرۋستان ەمدەلٸپ جاتىر. 9,5 مىڭى ستاتسيوناردا جاتىر. 748 ادامنىڭ جاعدايى اۋىر. 202 ناۋقاستىڭ حەلٸ مٷشكٸل. 125 ادام جاساندى تىنىس اپپاراتىنا قوسىلعان.
6,7 ملن ادامعا كوروناۆيرۋسقا قارسى ۆاكتسينانىڭ تولىق دوزاسى سالىنعان. 1 ملن ادام ەكٸنشٸ دوزاسىن كٷتٸپ وتىر.
