قازاقستاندا بەنزين مەن ديزەل وتىنى ٶندٸرٸسٸ ارتتى

قازاقستاندا جىل ٸشٸندە بەنزين ٶندٸرٸسٸنٸڭ كٶلەمٸ - 13, ال ديزەل وتىنى - 9 پايىزعا ارتتى, دەپ حابارلايدى "ۇلت اقپارات" EnergyProm-عا سٸلتەمە جاساپ.

جىل ٸشٸندە بەنزيننٸڭ ورتاشا بٶلشەك ساۋداداعى باعاسى 47 پايىزعا تٶمەندەدٸ. اتاپ ايتقاندا, ەڭ ٶتٸمدٸ اي-92 ماركالى بەنزيننٸڭ 1 ليترٸ جانارماي قۇيۋ ستانسالارىندا 5,4 پايىزعا ارزانداپ, 146,7 تەڭگە دەيٸن تٶمەندەدٸ. اي-95 جەنە اي-96 ماركالى بەنزيندەر 3,7 پايىزعا ارزانداپ, 1 ليترٸ 169,4 تەڭگە بولدى. ال ديزەل وتىنى كەرٸسٸنشە قىمباتتادى. مەسەلەن, جازعى ديزەلدٸڭ 1 ليترٸ 0,9 پايىزعا كٶتەرٸلٸپ, 193,1 تەڭگەگە جەتٸپ وتىر. قىسقى ديزەل بولسا, 2018 جىلدىڭ سەۋٸرٸ مەن 2019 جىلدىڭ سەۋٸرٸ ارالىعىندا 23 پايىزعا قىمباتتاپ, ليترٸ 259,3 تەڭگەدەن اسىپ كەتتٸ.

وسى جىلى بەنزين, سونىمەن قاتار اۆياتسييالىق كەروسين مەن ديزەل وتىنىنىڭ ٶندٸرٸسٸ دە ارتا تٷستٸ. 2019 جىلدىڭ قاڭتار-تامىزىندا 2,8 ملن توننا بەنزين, 3,3 ملن توننا ديزەل وتىنى ٶندٸرٸلدٸ. پاۆلودار, اتىراۋ جەنە شىمكەنت مۇناي ٶڭدەۋ زاۋىتتارى ٶندٸرٸلگەن بەنزيننٸڭ 99 پايىزىن, ديزەل وتىنىنىڭ 97 پايىزىن شىعارىپ وتىر.

پاۆلودار زاۋىتى - 1,2 ملن, اتىراۋ زاۋىتى - 1 ملن توننادان استام, شىمكەنت زاۋىتى - 1 ملن توننا ديزەل ٶندٸردٸ. ال شىمكەنت زاۋىتى - 1,2 ملن, پاۆلودار زاۋىتى - 875,3 مىڭ, اتىراۋ زاۋىتى - 696,5 مىڭ توننا بەنزين شىعارعان.