قازاقستاندا بەدەۋلٸگٸ بار ادامداردىڭ تٸزٸلٸمٸن جاساۋ قاجەت. بۇل تۋرالى اقپارات جەنە قوعامدىق دامۋ مينيسترلٸگٸ ۇيىمداستىرعان قر پرەزيدەنتٸ جولداۋى اياسىنداعى ەلەۋمەتتٸك باسىمدىقتاردى تالقىلاۋعا ارنالعان دٶڭگەلەك ٷستەل وتىرىسىندا «ەكومەد» ادام ۇرپاعىن ٶربٸتۋ ەمحاناسىنىڭ باسشىسى سالتانات بايقوشقاروۆا ايتتى, دەپ حابارلايدى قازاقپارات.
«بەدەۋلٸك مەسەلەسٸمەن اينالىسقانىما 32 جىل بولىپتى. ونىڭ ٸشٸندە ەكستراكورپورالدى ۇرىقتاندىرۋ ەدٸسٸنٸڭ العاشقى مامانى رەتٸندە ەنگٸزگەنٸمە 25 جىل تولىپتى. بٸز كٶبٸنە اقىلى تٷردە قىزمەت كٶرسەتتٸك. 2010 جىلدان باستاپ مەملەكەتٸمٸز 100 كۆوتادان باستاسا, بيىل 1 مىڭنان سەل اساتىن كۆوتاعا قول جەتكٸزدٸك. سوعان دا قۋاناتىنبىز. بٸراق, كەشەگٸ پرەزيدەنت جولداۋىنداعى 7 مىڭ كۆوتا بٶلۋ شەشٸمٸ بٸز ٷشٸن ٷلكەن قۋانىش بولدى. ٶيتكەنٸ, بٸزگە كەلەتٸن ادامداردىڭ بارلىعى بٸردەي 1 ميلليون تەڭگە تابا المايدى. بۇل اقشانىڭ جارتىسى دەرٸگە كەتەدٸ. سوندىقتان بۇل ٷلكەن كٶمەك جەنە پاتسيەنتتەرٸمٸزدٸڭ بارلىعى قۋانىپ جاتىر. كٷتپەگەن جاعداي بولدى. بٸز كٶپ بولسا 2 ەسە كٶبەيتەر دەپ ويلاعان ەدٸك», - دەدٸ ول.
دەگەنمەن, ول بۇل كۆوتا ەلٸمٸزدەگٸ بەدەۋلٸك مەسەلەسٸن 100 پايىز شەشە المايتىندىعىنا نازار اۋدارتتى. ەسەپتە تۇرعان پاتسيەنتتەردٸڭ 60-70 پايىزىنا 1 جىل ٸشٸندە مٷمكٸندٸك بەرەتٸندٸگٸن اتاپ ٶتتٸ.
«دەنساۋلىق ساقتاۋ مينيسترلٸگٸمەن بٸراز جۇمىس ٸستەپ, ۇسىنىستار جاساعانبىز. ٶتكەن جىلى مينيستردٸ دە شاقىرىپ, ورتالىعىمىزدى كٶرسەتكەن ەدٸك. سول كەزدە كٶتەرگەن مەسەلەلەر ەلٸ شەشٸلگەن جوق. ەندٸ پرەزيدەنت جولداۋىنان كەيٸن مينيسترلٸكپەن قىزۋ جۇمىس ٸستەيمٸز دەپ ويلايمىن. ەڭ باستى مەسەلە – ەلٸمٸزدە بەدەۋلٸكتٸڭ تٸزٸلٸمٸ جوق. بٸز جالپى سٶزبەن «5, 6-شى وتباسى بەدەۋلٸكپەن بەتپە-بەت كەلەدٸ» دەپ ايتامىز. الايدا, ولاردىڭ بارلىعىنا ارقاۋ بولاتىن ستاتيستيكا جوق. سوندىقتان تسيفرلاندىرۋ زامانىندا قانشا ادام بەدەۋلٸككە ۇشىراعاندىعىن انىقتاۋ قاجەت. ياعني, بەدەۋ ادامداردى تٸركەۋ مەسەلەسٸن دۇرىستاپ, بازا, تٸزٸلٸم جاساۋىمىز كەرەك. دەنساۋلىق ساقتاۋ مينيسترلٸگٸنٸڭ بۇيرىقتارىن, حاتتامالارىن ٶزگەرتۋگە تيٸسپٸز», - دەدٸ سالتانات بايقوشقاروۆا.
