ەلٸمٸزدە باسپانا كەزەگٸندەگٸ تۇرعىندار سانى جىل سايىن 50 مىڭ ادامعا ارتىپ كەلەدٸ. بۇل تۋرالى ٷكٸمەت وتىرىسىندا تۇرعىن ٷي ساياساتىنىڭ جاڭا تەسٸلدەرٸن جارييالاعان قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
«باسپانا الۋ كەزەگٸندە تۇرعان ازاماتتاردىڭ سانى جىل سايىن 50 مىڭعا دەيٸن ارتىپ كەلەدٸ. بٷگٸنگٸ تاڭدا ول 548 مىڭعا جەتتٸ. كەزەكتەگٸ كٶپبالالى وتباسىلار, جەتٸم بالالار, مٷگەدەك بالالارى بار وتباسىلار جەنە حالىقتىڭ باسقا دا ەلەۋمەتتٸك وسال توپتارىنىڭ تابىسى وتباسى مٷشەسٸنە شاققاندا ەڭ تٶمەنگٸ 1 كٷنكٶرٸس دەڭگەيٸنەن تٶمەن بولعان جاعدايدا, باسپانامەن قامتاماسىز ەتۋ ٷشٸن جالعا بەرٸلەتٸن تۇرعىن ٷيدٸ سۋبسيدييالاۋ تەتٸگٸ ارقىلى جٷزەگە اسىرۋ ۇسىنىلادى», - دەدٸ مينيستر.
ونىڭ ايتۋىنشا, مەملەكەتتٸك قىزمەتشٸلەر, بيۋدجەت قىزمەتكەرلەرٸ, تولىق ەمەس وتباسىلار جەنە باسقا دا كەزەكتە تۇرعان ازاماتتاردىڭ تابىس كٶلەمٸ ەڭ تٶمەنگٸ 1 كٷنكٶرٸس دەڭگەيٸنەن جوعارى ازاماتتاردىڭ بۇل ساناتى جاڭا باسپاناعا جەڭٸلدەتٸلگەن زاەم الۋ ارقىلى تۇرعىن ٷي ساتىپ الا الادى.
سونىمەن قاتار, 2021 جىلعى 26 قاڭتاردا ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى تۇرعىن ٷي ساياساتىن جەتٸلدٸرۋ بويىنشا ۇسىنىستار ەنگٸزۋدٸ تاپسىردى. تاپسىرمانى ورىنداۋ ٷشٸن «نۇرلى جەر» مەملەكەتتٸك باعدارلاماسىندا بەلگٸلەنگەن باعا پارامەترلەرٸ بويىنشا سالىنىپ جاتقان تۇرعىن ٷيدٸڭ 50 پايىزىن بەرۋ شارتىمەن جەرگٸلٸكتٸ اتقارۋشى ورگاندارعا ەلەۋمەتتٸك نىساندار جەنە باسپانا سالۋ ٷشٸن جەر ۋچاسكەلەرٸن الۋ قۇقىعىن بەرۋ ۇسىنىلادى. ول قۇرىلىس سالۋشىنىڭ ٶز قاراجاتى ەسەبٸنەن جٷزەگە اسىرىلۋى تيٸس. بۇل نىساندار قۇرىلىس سالۋشىنىڭ ٶز ۋچاسكەلەرٸندە سالىنسا, بالاما جەر ۋچاسكەلەرٸن بەرۋ نەمەسە قۇرىلىس سالۋشىنىڭ شىعىندارىن ٶتەۋ ۇسىنىلىپ وتىر. تۇرعىن ٷي سالۋعا ارنالعان جەر تەلٸمدەرٸ جەر ۋچاسكەسٸن ساتۋ نەمەسە ونى جالعا الۋ قۇقىعىن ساتۋ جٶنٸندەگٸ ساۋدا-ساتتىقتى ۇيىمداستىرۋ جەنە ٶتكٸزۋ قاعيدالارىنا سەيكەس بەرٸلەدٸ», - دەدٸ بەيبٸت اتامقۇلوۆ.
