قر بەسەكەلەستٸكتٸ قورعاۋ جەنە دامىتۋ اگەنتتٸگٸ تٶراعاسىنىڭ بٸرٸنشٸ ورىنباسارى رۋستام احمەتوۆ باسپانا باعاسىنىڭ ٶسۋٸن تەجەۋ ٷشٸن قانداي شارالار جٷرگٸزٸلگەنٸن ايتىپ بەردٸ, دەپ حابارلايدى قازاقپارات.
«جىل باسىنان بەرٸ باستاپقى تۇرعىن ٷيدٸڭ باعاسى 5%-عا ٶستٸ. قازٸر ديناميكا تٶمەندەدٸ. سوڭعى ايدا شامامەن 0,8%-عا ٶسٸم بايقالدى. تۇرعىن ٷي نارىعىنداعى باعا قىمباتتاۋىنىڭ نەگٸزگٸ سەبەبٸ – نارىققا 1 ترلن 200 ملرد تەڭگە زەينەتاقى اكتيۆتەرٸنٸڭ تٷسۋٸ ەدٸ. بٸز باعانىڭ ٶسۋٸن تەجەۋ ٷشٸن ٷي سالۋشىلارعا باعانىڭ تٶمەندەۋٸ تۋرالى 11 ەسكەرتۋ جٸبەردٸك, ولارمەن كەلٸسسٶزدەر جٷرگٸزدٸك جەنە قازٸر تۇرعىن ٷي باعاسىنىڭ ديناميكاسى تۇراقتانعانىن بايقاپ وتىرمىز», - دەدٸ ر. احمەتوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونىمەن بٸرگە, ول «بيرجالىق ساۋدانىڭ ەنگٸزٸلۋٸنە بايلانىستى بەنزين باعاسىنىڭ ٶسۋٸ مٷمكٸن بە?» دەگەن سۇراققا جاۋاپ بەردٸ.
«قازٸرگٸ ۋاقىتتا مۇناي ٶنٸمدەرٸنٸڭ ٶندٸرٸسٸ تۇتىنۋ كٶلەمٸن تولىعىمەن جابادى. تۇتىنۋ جاعدايىندا دا اتىراۋ, شىمكەنت زاۋىتتارىنداعى مۇناي ٶنٸمدەرٸنٸڭ قورلارى سۇرانىستى قاناعاتتاندىرۋعا جەتكٸلٸكتٸ. بٸزدە بەنزين تاپشىلىعى جوق ەكەنٸن ەسكەرسەك, بيرجالىق ساۋدا-ساتتىقتىڭ ەنگٸزٸلۋٸنە بايلانىستى باعانىڭ كٷرت ٶسۋٸنە ەش نەگٸز جوق», - دەپ جاۋاپ بەردٸ اگەنتتٸك ٶكٸلٸ.
