قازاقستاندا باسقا ەلدەرمەن سالىستىرعاندا جول قۇرىلىسىنىڭ قۇنى جوعارى ەمەس. بۇل تۋرالى قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك كاماليەۆ ايتتى, دەپ حابارلايدى قازاقپارات.
«باسقا ەلدەرمەن سالىستىرعاندا قازاقستاندا اۆتوجول قۇرىلىسىنىڭ جوعارى قۇنىنا قاتىستى سۇراقتار جيٸ قويىلىپ جاتادى. وسى ورايدا, بٸزدٸڭ اۆتوموبيل جولدارىنىڭ ورتاشا قۇنى جولدىڭ ساناتىنا, جول جابىندىسىنىڭ قۇرىلىمىنا بايلانىستى 1 ملن-نان 2,5 ملن دوللارعا دەيٸن جەتەتٸندٸگٸن اتاپ ٶتكٸم كەلەدٸ. ال كٶرشٸ ەلدەردە, ەۋروپا مەملەكەتتەردە ول 3 ملن-نان 5 ملن دوللارعا دەيٸن جەتەدٸ», - دەدٸ بەرٸك كاماليەۆ ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ اتاپ ٶتۋٸنشە, جوبانىڭ قۇنى جوبا-سمەتالىق قۇجاتتامانىڭ نەگٸزٸندە «مەمساراپتاما» رمك-نىڭ مەملەكەتتٸك ساراپتاماسىنان ٶتكەننەن كەيٸن ايقىندالادى. ال جۇمىستاردىڭ ساپاسى جۇمىستاردى قابىلداۋ جٶنٸندەگٸ نۇسقاۋلىققا سەيكەس تەكسەرٸلەدٸ.
