قازاقستاندا بالاباقشالار, كوللەدجدەر مەن اۋرۋحانالار جەكەشەلەندٸرٸلەدٸ

-  قازاقستاندا مەملەكەتتٸك مەنشٸكتٸ وڭتايلاندىرۋ 2 كەزەڭمەن جٷرگٸزٸلەدٸ.

بۇل تۋرالى بٷگٸن ٷكٸمەت وتىرىسىندا قر قارجى مينيسترٸ باقىت سۇلتانوۆ مەلٸم ەتتٸ, دەپ حابارلايدى "ۇلت اقپارات".

«بٷگٸنگٸ تاڭدا مەملەكەتتٸك مەنشٸكتە 7 مىڭعا جۋىق ۇيىم جۇمىس ٸستەيدٸ, ولار - مەملەكەتتٸك كەسٸپورىندار, اكتسيونەرلٸك قوعامدار, جاۋاپكەرشٸلٸگٸ شەكتەۋلٸ سەرٸكتەستٸكتەر. تٷگەندەۋ جٶنٸندەگٸ تاپسىرمانىڭ اياسىندا ەكٸمدەردٸڭ ورىنباسارلارىن شاقىرا وتىرىپ جەنە «اتامەكەن» ۇلتتىق كەسٸپكەرلەر پالاتاسىنىڭ قاتىسۋىمەن 16 وبلىس جەنە 177 اۋدان تىڭدالدى. 6 751 ۇيىمنىڭ ٸشٸنەن ەر نىسان قارالدى. سونداي-اق 376 رەسپۋبليكالىق مەنشٸك ۇيىمى بويىنشا 22 مينيسترلٸك پەن ۆەدومستۆو باياندادى», - دەدٸ ول.

مينيستردٸڭ اتاپ ٶتۋٸنشە, تٷگەندەۋ نەتيجەلەرٸ بويىنشا مەملەكەتتٸك مەنشٸكتٸ وڭتايلاندىرۋ 2 كەزەڭمەن جٷرگٸزٸلەدٸ. الدىمەنەن مەملەكەتتٸك مەنشٸك ۇيىمدارىنىڭ سانى 1 مىڭنان اسا ۇيىمعا نەمەسە 16 پايىزعا قىسقارادى. ەكٸنشٸ كەزەڭدە  تاعى 4 600-گە جۋىق ۇيىمعا نەمەسە باستاپقى سانىنان 65 پايىزعا ازايتۋ ۇسىنىلادى.

«بەسەكەلەستٸك ورتاعا بەرۋدەن باسقا وڭتايلاندىرۋدىڭ قۇرالى رەتٸندە ۇيىمداردى قايتا قۇرۋ جەنە جابۋ قولعا الىنادى. بٸرٸنشٸ كەزەڭدە ۇيىمدار سانى 1 136 كەسٸپورىنعا قىسقارادى. ولاردان: 408 ۇيىم  كەستەگە ەنگٸزٸلگەن; 105 ۇيىمدى كەستەگە ەنگٸزۋدٸ ۇسىنامىز; 380 ۇيىم قايتا قۇرۋ جولىمەن قىسقارادى; 243 ۇيىمدى تاراتۋ (جويۋ) ۇسىنىلادى. سونىمەن, بٸرٸنشٸ كەزەڭنەن كەيٸن مەملەكەتتٸك مەنشٸكتە 6 مىڭنان از كەسٸپورىن قالادى.قالعان ۇيىمداردىڭ نەگٸزگٸ بٶلٸگٸن بالاباقشالار, كوللەدجدەر, اۋرۋحانالار قۇرايدى. ولار بەسەكەلەستٸك ورتاعا ەكٸنشٸ كەزەڭدە ۇسىنىلادى. قازٸر ەكٸمدٸكتەرمەن ٸلكٸ جوبا رەتٸندە 94 ۇيىمدى كەيٸننەن ساتىپ الۋ قۇقىعىنسىز سەنٸمگەرلٸك باسقارۋعا بەرۋ كەلٸسٸلدٸ», - دەدٸ سۇلتانوۆ.