قازاقستان ستراتەگييالىق زەرتتەۋلەر ينستيتۋتىنىڭ ەلەۋمەتتٸك-ساياسي زەرتتەۋلەر بٶلٸمٸنٸڭ باسشىسى الۋا جولدىبالينا قازاقستاندا ايماقتىق زەرتتەۋ ورتالىقتارىن اشۋ كەرەكتٸگٸن ايتادى, دەپ حابارلايدى قازاقپارات.
«جالپى بٷگٸنگٸ تالقىلاۋ بارىسىندا مىناداي ٷش مەسەلەگە توقتالا كەتكٸم كەلٸپ تۇر. بٸرٸنشٸدەن بٷگٸن دە بٸز نازار اۋدارمايتىن بٸر مەسەلە بار. ول – حالىقتىڭ شاعىمدارى مەن سۇراۋلارى. قازٸر حالىق بەلسەندٸ تٷردە بارلىق مەملەكەتتٸك ورگانعا شاعىم جازادى. بٷكٸل قازاقستان بويىنشا جەرگٸلٸكتٸ جەرگە تٷسەتٸن, قۇزىرلى ورگاندار مەن پارلامەنتكە, بارلىق مەملەكەتتٸك ورگانعا تٷسەتٸن شاعىمداردى جيناپ, تالداۋعا تىرىستىق. ول شاعىمدار اينالىپ كەلگەندە ايماقتارداعى ٶزەكتٸ مەسەلەلەردەن حابار بەرەدٸ», - دەدٸ ساراپشى ەۋرازييالىق ينتەگراتسييا ينستيتۋتىنداعى «ۇلتتىق قوعامدىق سەنٸم كەڭەسٸ: تالدامالىق زەردەلەۋ» اتتى ساراپتامالىق باياندامانىڭ تانىستىرىلىمىندا.
ساراپشى كەيٸنگٸ بەس جىلدا ازاماتتاردان تٷسكەن شاعىمدار ستاتيستيكاسى نەنٸ كٶرسەتەتٸنٸن بايان ەتتٸ.
«بٸزدە كەيٸنگٸ بەس جىلدا باس پروكۋراتۋراعا, جوعارعى سوتقا, پرەزيدەنت ەكٸمشٸلٸگٸنە, ادام قۇقىقتارى جٶنٸندەگٸ ومبۋدسمەنگە تٷسەتٸن شاعىمدار كٶبەيٸپ كەلەدٸ. ال جەرگٸلٸكتٸ جەردە تٷسەتٸن ارىزدار ازايىپ كەتكەن. ول نەنٸ بٸلدٸرەدٸ? ياعني جەرگٸلٸكتٸ جەردە مەسەلەسٸن شەشە الماعان ازامات «جوعارى» جاققا بارادى. مىسالى ادام قۇقىقتارى جٶنٸندەگٸ ومبۋدسمەنمەن سٶيلەسكەنٸمٸزدە ول كٸسٸ بٸزگە «ازاماتتار مەنٸڭ قۇزىرىما كٸرمەيتٸن مەسەلەلەرمەن جٷگٸنەدٸ» دەيدٸ. ياعني بۇل رەتتە پروبلەمالاردىڭ قوردالانىپ قالعانىن بايقايمىز. سوندىقتان مەنٸڭ ويىمشا, ۇلتتىق كەڭەسكە كٶمەك رەتٸندە بارلىق شاعىمداردى جيناپ, ٶزەكتٸ مەسەلەلەردٸڭ يەرارحيياسىن جاساپ, ايماقتاردا پرەزيدەنت ەكٸمشٸلٸگٸنٸڭ ايماقتىق بٸر بٶلٸمشەسٸن اشساق جاقسى بولار ەدٸ», - دەيدٸ ساراپشى.
الۋا جولدىبالينا سونداي-اق قازاقستاندا ٶكٸنٸشكە قاراي قازٸرگٸ تاڭدا ايماقتىق زەرتتەۋ ورتالىقتارى جوقتىعىن العا تارتتى.
«قازاقستاندا وبلىستار مەن ٸرٸ قالالار بار. وبلىستارداعى بٸر پروبلەما ەكٸنشٸسٸنە ۇقساماۋى مٷمكٸن. سوندىقتان ەربٸر ايماق بويىنشا ەلەۋمەتتٸك, ەكونوميكالىق ەرٸ يدەولوگييالىق, كەشەندٸ زەرتتەۋ جٷرگٸزۋ – كٷن تەرتٸبٸندەگٸ ٶزەكتٸ مەسەلە. ياعني بٸز ايماقتاردىڭ بەرٸنٸڭ تولىق سيپاتتاماسىن بەرمەيٸنشە قوعامداعى مەسەلەلەردٸ تٷسٸنبەۋٸمٸز ىقتيمال», - دەدٸ ول.
