«قازاقستاننىڭ تۇرعىن ٷي قۇرىلىس جيناق بانكٸ» اق ورتالىق فيليالىنىڭ ديرەكتورى جانسۇلتان ماتاەۆ ەيەلدەرگە ارنالعان يپوتەكا قاشان ٸسكە قوسىلاتىنىن ايتتى, دەپ حابارلايدى قازاقپارات.
«ەيەلدەر يپوتەكاسى» باعدارلاماسى وسى جىلدىڭ باسىندا ٸسكە قوسىلۋى تيٸس بولاتىن. الايدا, پاندەميياعا بالانىستى كەيٸنگە شەگەرٸلدٸ. بۇل مەسەلە پىسىقتالىپ جاتىر. جاقىن ارادا ونى جارييا ەتەمٸز», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
«تۇرعىن ٷي قۇرىلىس جيناق بانكٸ» اق باسقارما تٶراعاسىنىڭ ورىنباسارى ەلييا ايداربەكوۆا قازاقستاندا تۇرعىن ٷي سالاسىندا گەندەرلٸك تەڭدٸكتٸ جەتٸلدٸرۋ ماقساتىندا ەيەلدەرگە ارنالعان يپوتەكا جوباسى جٷزەگە اسىرىلاتىندىعىن ايتقان ەدٸ.
«تۇرعىن ٷي قۇرىلىس جيناق بانكٸ تاعى بٸر جوبانى ٸسكە قوستى. ونى 2020 جىلى جٷزەگە اسىرۋدى جوسپارلاپ وتىر. بۇل «تۇرعىن ٷي قۇرىلىسىن قارجىلاندىرۋدا گەندەرلٸك تەڭدٸكتٸ قولداۋ جٶنٸندەگٸ جوبا» نەمەسە «ەيەلدەر يپوتەكاسى» دەپ اتالادى. جوبانى ازييا دامۋ بانكٸ 38 ميلليارد تەڭگە كٶلەمٸندە قارجىلاندىرادى», - دەگەن ەدٸ ول.
ەلييا ايداربەكوۆانىڭ ايتۋىنشا, ەيەلدەرگە نەسيەلەر باستاپقى جەنە قايتالاما تۇرعىن ٷي ساتىپ الۋعا بەرٸلەدٸ. نەسيەنٸڭ ەڭ جوعارى سوماسى 30 ملن تەڭگەنٸ قۇرايدى. ونى الۋ ٷشٸن تابىسى 200 مىڭ تەڭگەدەن تٶمەن بولسا, ەڭ تٶمەنگٸ باستاپقى جارنا 15 پايىز مٶلشەرٸندە بولادى. ال تابىسى 200 مىڭ تەڭگەدەن اساتىن ەيەلدەر ٷشٸن باستاپقى جارنا - 20 پايىز. پايىزدىق مٶلشەرلەمە الدىن الا بولجام بويىنشا, 12 پايىز دەڭگەيٸندە بولادى. ال «تۇرعىن ٷي قۇرىلىس جيناق بانكٸندە» اقشا جيناعاندار ٷشٸن ستاۆكا تٶمەندەپ, 3,5-5 پايىزدى قۇرايدى.
