فوتو: ulysmedia.kz
مۇناي-گاز سالاسىنىڭ ساراپشىسى جەنە ەنەرگەتيكا مينيسترلٸگٸنٸڭ بۇرىنعى قوعامدىق كەڭەس مٷشەسٸ ولجاس بايدٸلدينوۆ استانا مەن الماتىداعى قوعامدىق كٶلٸكتە جول اقىسى 500 تەڭگە بولۋى كەرەك دەپ مەلٸمدەدٸ, دەپ حابارلايدى Ult.kz Ulysmedia.kz-كە سٸلتەمە جاساپ.
بايدٸلدينوۆتىڭ ايتۋىنشا, كٶلٸك كومپانييالارى شىعىنمەن جۇمىس ٸستەپ وتىر, ال قازٸرگٸ تاريفتەر ولاردىڭ شىعىنىن جاپپايدى. مىسالى, پەتروپاۆلدا قوعامدىق كٶلٸكتەگٸ شىعىنسىز جول اقىسى 345 تەڭگە بولسا, جولاۋشىلار قازٸر قولما-قولسىز تٶلەممەن 100 تەڭگە, قولما-قول تٶلەممەن 170 تەڭگە تٶلەيدٸ.
– مەن بۇل تۋرالى بۇرىننان ايتىپ كەلەمٸن: بۇل سالاداعى مەملەكەتتٸك سۋبسيدييالار — اشىق ەمەس, جەمقورلىققا بەيٸم جەنە پايدالانۋشىلار ٷشٸن ساپا ەكەلمەيدٸ. استانا مەن الماتىدا جول اقىسى 500 تەڭگە بولۋعا تيٸس (مەسليحات سەسسييالارىندا بۇعان دەيٸن 450 تەڭگە كٶلەمٸ اتالعان). تەك الماتىنىڭ ٶزٸندە بىلتىر اۆتوبۋس تاسىمالدارىن سۋبسيدييالاۋعا شامامەن 200 ملن دوللار بٶلٸندٸ. ال سٸز سوعان لايىق قىزمەت ساپاسىن كٶرٸپ وتىرسىز با?, – دەپ جازدى بايدٸلدينوۆ.
ونىڭ پٸكٸرٸنشە, جولاۋشىلار جول اقىسىن جٷرگەن قاشىقتىعىنا قاراي تٶلەۋٸ كەرەك.
– 3 ايالداما عانا جٷرەتٸن ادامنىڭ, سوڭعى ايالداماعا دەيٸن 1,5 ساعات جول جٷرەتٸن جولاۋشىمەن بٸردەي اقى تٶلەۋٸندە ەشقانداي ەكونوميكالىق نەمەسە لوگيكالىق نەگٸز جوق. اۆتوپاركتەرگە بەرٸلەتٸن نارىققا ساي ەمەس, اشىق ەمەس سۋبسيدييالاردى الىپ تاستاپ, باعانى نارىققا جٸبەرۋدٸ ۇسىنامىن. ەرتە مە, كەش پە بەرٸبٸر سوعان كەلەمٸز, – دەدٸ ول.
ەسكە سالايىق, 2022 جىلعى قاڭتار وقيعاسى كەزٸندە بايدٸلدينوۆ سۇيىتىلعان گاز باعاسىنىڭ ٶسۋٸ تۋرالى پٸكٸرٸنەن كەيٸن جۇرت نازارىنا ٸلٸككەن ەدٸ. سول كەزدە ول «باعا قىمباتتادى دەپ نارازى بولعاندار قوعامدىق كٶلٸككە مٸنسٸن» دەپ, ليترٸنە 15-20 تەڭگەگە ارتقان باعانى «بولماشى سوما» دەپ اتاعان, سەبەبٸ «ينتەرنەتكە ودان دا كٶپ تٶلەيمٸز» دەگەن ەدٸ.
