قازاقستاندا اۋىر دەرتكە شالدىققان 3-18 جاس ارالىعىنداعى بالالاردىڭ ارمانىن ورىنداۋمەن اينالىساتىن «Menin Armanym» اتتى كورپوراتيۆتٸ قور قۇرىلدى, دەپ حابارلايدى "ۇلت اقپارات".
قازاقستاندا اۋىر دەرتكە, جازىلماس دەرتكە شالدىققان مىڭداعان بالا بار. ولاردىڭ اراسىندا جارىق دٷنيەمەن قوشتاسۋىنا ساناۋلى جىلدار, تٸپتٸ ساناۋلى ايلار قالعاندارى قانشاما. اتالعان قايىرىمدىلىق جوباسىنىڭ ماقساتى – اۋىر دەرتكە شالدىققان بالالاردىڭ ارمانىن كٶزٸ تٸرٸسٸندە ورىنداۋعا اتسالىسۋ.
جوبا بالالاردىڭ مىناداي ارمانىن ورنىداۋعا دايىن:
- «ۋاقىتشا ... بولعىم كەلەدٸ» (عالىم, پوليتسييا قىزمەتكەرٸ, اسپاز, تراكتور جٷرگٸزۋشٸسٸ, حانشايىم)
- «... بارعىم كەلەدٸ» (زووباققا, مۇراجايعا, باسقا قالاعا, تەاترعا, تەلەباعدارلاما تٷسٸرٸلٸمٸنە)
- «... كەزدەسكٸم كەلەدٸ نەمەسە قولتاڭباسىن العىم كەلەدٸ» (سٷيٸكتٸ سپورتشىممەن, ەنشٸمەن, تەلەجٷرگٸزۋشٸمەن, ساياساتكەرمەن نەمەسە باسقا دا تانىمال قازاقستاندىق تۇلعامەن)
- «اتاپ ٶتكٸم كەلەدٸ» (تۋعان كٷن, جاڭا جىل, توي)
«اۋىر دەرتكە شالدىققان بالالاردىڭ مۇنداي ارمانىن جوباعا دەمەۋشٸ بولۋ ارقىلى, ۆولونتەرلٸك قوزعالىسقا نەمەسە قازاقستان اۋماعىندا قايىرىمدىلىق باعىتىندا جۇمىس ٸستەيتٸن ۇيىمعا مٷشە بولۋ ارقىلى جٷزەگە اسىرۋعا بولادى. اتالعان قور بالالاردىڭ ارمانىن جٷزەگە اسىرۋ ٷشٸن قاراجات جيناۋمەن اينالىسادى. جينالعان قاراجات بالالارعا سىيلىق الۋعا نەمەسە دەرتٸن ەمدەۋگە جۇمسالادى», - دەيدٸ جوبانىڭ مەديا-كوورديناتورى ولجاس ەسبولوۆ.
«Menin Armanym» جوباسىنا كٶپ العىس ايتامىن. وسى جوبا ارقىلى مەنٸڭ تٸلەگٸم ورىندالدى. مەنٸڭ ارمانىم – تاۋعا شىعۋ, بلوگەر بولۋ جەنە قازاقستاننىڭ بەدەلدٸ ۆاينەرلەرٸ @nnnurdaylet پەن @sadraddinn-دٸ كٶرۋ ەدٸ. «Menin Armanym» جوباسى ماعان توسىنسىي جاساپ, وسى ٷش تٸلەگٸمدٸ ورىندادى», - دەيدٸ الماتىداعى ونكولوگييالىق ورتالىقتا ەمدەلٸپ جاتقان 12 جاستاعى ديدار بەرداليەۆ.
د.بەرداليەۆتٸڭ اناسى ۇلىنىڭ ارمانى ورىندالعانى ٷشٸن قۋانىشتى ەكەنٸن ايتۋدا.
«ديدار بيىل مامىر ايىنان باستاپ اۋىرىپ قالدى. تارازدا وعان وتا جاسالدى. ول جاقتا ەكٸ اي ەمدەلٸپ, الماتىداعى ونكولوگييالىق ورتالىققا كەلدٸك. 1 اي بويى حيميياتەراپييا قابىلدايمىز. نەگٸزٸ ۇلىم 1-سىنىپتان باستاپ 1, 1,5 ايلاپ اۋىراتىن. مەن بەرمەي جٷرە بەرٸپپٸز... ٶزٸم اقتاۋ, اتىراۋدا ۆاحتامەن جۇمىس ٸستەيمٸن. ۇلىم باسى اۋىراتىنىن ايتقاندا دەرٸ بەرە بەرەتٸنبٸز. 5-سىنىپتا قۇلاعىنان قان اعىپ, قۇلاپ قالعان كەزدە عانا قانداي دەرتٸ بار ەكەنٸن بٸلدٸك. بالام وسى جوبا ارقىلى ٷش ارمانى ورىندالاتىنىن بٸلگەن كەزدە سەنبەي, بٸر جىلاپ الدى. تاۋعا باراتىن كيٸمٸ جوق ەدٸ, ونى دا ۋايىمدادى. وسى جوبا اياسىندا وعان كەرەكتٸ كيٸمدەرٸ دە بەرٸلدٸ. بەرٸ جاقسى بولدى», - دەيدٸ جانات بەرداليەۆا.
