«اتامەكەن» ۇلتتىق كەسٸپكەرلەر پالاتاسىنىڭ باسقارما تٶراعاسى ابىلاي مىرزاحمەتوۆ اگروٶنەركەسٸپتٸك كەشەندٸ قولداۋ شارالارىن ايتىپ بەردٸ, دەپ حابارلايدى قازاقپارات.
«اگرارلىق سەكتوردى بانكتەر ٷشٸن تارتىمدى كليەنت دەپ ايتا المايمىز. بۇل سالاداعى نەسيەنٸڭ 60-70 پايىزى «قازاگرو» جەلٸسٸمەن بەرٸلەدٸ. فەرمەرلەردٸڭ بٸراز بٶلٸگٸ نەسيە الا الماي وتىر. وسىعان بايلانىستى, پرەزيدەنت «قاراپايىم زاتتار ەكونوميكاسى» باعدارلاماسى بويىنشا كٶكتەمگٸ ەگٸن جۇمىستارىن جٷرگٸزۋگە 100 ملرد تەڭگە بٶلۋدٸ تاپسىردى. مۇندا قارىز الۋشىلار ٷشٸن سىياقى مٶلشەرلەمەسٸ 6 پايىزدان اسپايدى. «اگرارلىق نەسيەلٸك كوروپوراتسييا» اق وپەراتور بولىپ بەكٸتٸلدٸ. بٸز اگروٶنەركەسٸپتٸك كەشەننٸڭ كەپٸلدٸك ساياساتىن ٶزگەرتۋدٸ ۇسىنعان ەدٸك. ەندٸ وعان وعان ساياسي شەشٸمدەر قاجەت», - دەدٸ ا. مىرزاحمەتوۆ ەلەۋمەتتٸك جەلٸدە بەرگەن ونلاين سۇحباتتا.
ونىڭ ايتۋىنشا, اگرارلىق سەكتوردى تسيفرلىق پلاتفورماعا اۋىستىرىپ, نەسيەنٸ بيزنەس-جوسپارعا قاراي بەرۋ دە ۇسىنىلعان.
«ەزٸرگە بانكتەر قىزىعۋشىلىق تانىتا باستادى. كەز كەلگەن جاعدايدان مٷمكٸندٸكتەر قاراستىرۋعا بولادى. پاندەمييا وقيعاسى ٶزٸن-ٶزٸ جۇمىسپەن قامتىعان 4 ملن 200 مىڭ ادامنىڭ قاي سالالاردا جۇمىس ٸستەپ جٷرگەنٸن انىقتاپ بەردٸ. قازٸر ولاردىڭ بارلىعى ەسەپكە الىنعان. ولاردىڭ 60 پايىزى نەمەسە 2,6 ملن ادام - اۋىل تۇرعىندارى. بۇل تۇرعىنداردى وقىتىپ, ميكرونەسيەلەر بەرۋگە بولادى. مۇندا كەپٸل قاجەت ەمەس, بٸلٸكتٸلٸگٸ مەن بيزنەس-جوسپارى ماڭىزدى بولماق. اتالعان ۇسىنىستار بويىنشا جۇمىس ٸستەپ جاتىرمىز», - دەدٸ سپيكەر.
سونىمەن بٸرگە, ا. مىرزاحمەتوۆ اگرارلىق سەكتورعا قانداي قولداۋ كٶرسەتٸلٸپ جاتقانىن ايتتى.
«ۇن مەن بيداي بويىنشا كۆوتالار ەنگٸزٸلدٸ. بۇل كۆوتالاردى ۇن تارتۋشىلار قاۋىمداستىعى تاراتادى. ەگٸستٸك القابىنان الىپ كەتۋ ٷشٸن كٶپتەگەن وبلىستاردا جەدەل شتابتار قۇرىلعان. قانداي دا بٸر قيىندىق تۋىنداسا, سول ورتالىقتارعا جٷگٸنۋگە بولادى», - دەدٸ اسقار مىرزاحمەتوۆ.
