قازاقستان اۋعانستان جاستارىنا بٶلٸنەتٸن بٸلٸم گرانتتارىن قىسقارتادى, دەپ حابارلايدى قازاقپارات تٸلشٸسٸ.
بۇل تۋرالى قر پارلامەنتٸ سەناتىنىڭ دەپۋتاتى داريعا نازارباەۆا استانادا ٶتٸپ جاتقان «اۋعانستانداعى ەيەلدەردٸڭ قۇقىقتارى مەن مٷمكٸندٸكتەرٸن كەڭەيتۋ» ٶڭٸرلٸك كونفەرەنتسيياسىندا مەلٸمدەدٸ.
«اۋعانستان جاستارىنا ارنالعان 5 جىلدىق بٸلٸم بەرۋ باعدارلاماسى اياسىندا مىڭنان استام اۋعان جاستارى قازاقستاندا وقىدى. جىل سايىن 100 ادام ەلٸمٸزدەگٸ جوعارى وقۋ ورىندارىنا تٷسٸپ وتىردى. قازٸر بۇل باعدارلاما ٶز مەرەسٸنە جەتتٸ جەنە باعدارلامانى 30 اۋعانستاندىقتى وقىتۋعا دەيٸن قىسقارتامىز», - دەدٸ داريعا نازارباەۆا جۋرناليستەرگە بەرگەن سۇحباتىندا.
سەناتوردىڭ ايتۋىنشا, بۇل بٸلٸم العىسى كەلەتٸن اۋعان جاستارىنىڭ سانىنا ەش ەسەر ەتپەۋٸ تيٸس, سەبەبٸ ولار قازاقستاندا عانا ەمەس, ٶزبەكستان, جاپونييا, ەۋروپادا بٸلٸم الا الادى.
«بٷگٸنگٸ كونفەرەنتسييادا ٶزبەكستاندىق ەرٸپتەستەرٸمٸز ٶز ەلدەرٸندە اۋعان جاستارىن وقىتىپ جاتقانىن ايتتى. جاپونييا دا بٸلٸم بەرۋ جوبالارىندا اۋعانستانعا ٷلكەن كٶمەك بەرٸپ وتىر. ەۋروپالىق وداق بٸلٸم بەرۋ گرانتىنىڭ العاشقى كەزەڭٸنە 2 ملن ەۋرو بٶلۋگە دايىن. ياعني بۇل جۇمىس جالعاسا بەرەدٸ», - دەدٸ داريعا نازارباەۆا.
