قازاقستاندا كەيبٸر پرەپاراتتاردى مەديتسينالىق ەمەس ماقساتتا پايدالانۋ ايتارلىقتاي ٶستٸ. ياعني سينتەتيكالىق ەسٸرتكٸنٸڭ ەسەرٸن كٷشەيتۋ ٷشٸن ساتىپ الىنادى. بۇل تۋرالى مەجٸلٸستٸڭ جالپى وتىرىسىندا تيٸستٸ زاڭ جوباسىن تالقىلاۋ كەزٸندە دەپۋتات سنەجاننا يماشەۆا ايتتى, دەپ حابارلايدى "ۇلت اقپارات" Kazinform سايتىنا سٸلتەمە جاساپ.
«اتاپ ايتقاندا, «ترامادول», «تروپيكاميد», «ازوتتىڭ توتىعى», «سومنول», «پرەگابالين» جەنە تاعى سول سيياقتى مەديتسينا پرەپاراتتارىن جاستار كٶپ پايدالانىپ جاتىر. بۇل زاتتاردى ەسٸرتكٸگە تەۋەلدٸ ادامدار سينتەتيكالىق ەسٸرتكٸنٸڭ ەسەرٸن كٷشەيتۋ ٷشٸن پايدالانادى. نەتيجەسٸندە ولارعا مەديتسينالىق ەمەس سۇرانىس ايتارلىقتاي ٶستٸ. مەسەلەن, تروپيكاميد كٶز تامشىلارىن ناشاقورلار مۇرىنعا تامىزادى نەمەسە كٶكتامىرعا جٸبەرەدٸ. وسىدان گاليۋتسينوگەندٸك ەسەر الادى نەمەسە سينتەتيكالىق ەسٸرتكٸنٸڭ ەسەرٸن كٷشەيتەدٸ», - دەدٸ س. يماشەۆا.
ونىڭ ايتۋىنشا, قازٸر وسى دەرٸلٸك زاتتاردى رەتسەپتسٸز بەرگەنٸ جەنە ولارمەن جۇمىس ٸستەۋ قاعيدالارىن بۇزعانى ٷشٸن تەك ەكٸمشٸلٸك جاۋاپتىلىق قاراستىرىلعان.
«بۇل جاعداي وسى پرەپاراتتاردى مەديتسينالىق ەمەس ماقساتتا ساتاتىن قاسكٶيلەرگە توسقاۋىل بولا الماي تۇر. مىسالى, 2022 جىلى بٷكٸل ەلگە تانىمال, فارماتسەۆتيكالىق بٸلٸمٸ جوق ترامادول كورولٸ (ن. كارپوۆ) كٷشتٸ ەسەر ەتەتٸن زاتتاردىڭ ٸرٸ پارتيياسىمەن بٸرنەشە رەت ۇستالدى. بٸراق, وندا دەرٸحانا قىزمەتٸنە فورمالدى تٷردە ليتسەنزيياسى بولعاندىقتان, كٷشتٸ ەسەر ەتەتٸن مەديتسينالىق پرەپاراتتاردى زاڭسىز تاراتقانى ٷشٸن ەكٸمشٸلٸك ايىپپۇل تٶلەپ قۇتىلىپ كەتتٸ. سوندىقتان, جوبادا اتالعان مەديتسينالىق پرەپاراتتار قۇرامى بار كٷشتٸ ەسەر ەتەتٸن زاتتاردىڭ زاڭسىز اينالىمى, ولارمەن جۇمىس ٸستەۋ قاعيدالارىن بۇزعانى, سونداي-اق ولاردى ۇرلاعانى ٷشٸن قىلمىستىق جاۋاپتىلىقتى ەنگٸزۋ ۇسىنىلىپ وتىر», - دەدٸ دەپۋتات.
