«بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتى» شجق رمك باس ديرەكتورى كٷنسۇلۋ زاكاريا ەلٸمٸزدە انتيبيوتيكتەردٸ ورىنسىز قابىلداۋدىڭ زييانىن ايتتى, دەپ حابارلايدى قازاقپارات.
ونىڭ پايىمىنشا, اسا قاۋٸپتٸ اۋرۋلاردىڭ قاتەرٸ مەن جاڭا ينفەكتسييالاردىڭ پايدا بولۋى ٸندەتتٸڭ الدىن الۋ نەمەسە ولاردىڭ سالدارىن بارىنشا تٶمەندەتۋگە باعىتتالعان جٷيەلٸ شارالاردى قابىلداۋدى تالاپ ەتەدٸ.
«ساراپشىلاردىڭ پٸكٸرٸنە قاراعاندا, بٸرقاتار اسا قاۋٸپتٸ اۋرۋلار جاھاندانۋ مەن حالىقتىڭ بەلسەندٸ كٶشٸ-قونى, جابايى جانۋارلار مەن قۇستاردىڭ ميگراتسيياسىنا بايلانىستى. وسى ورايدا اۋرۋلار جاڭا اۋماقتاردا تەز تارايدى. سوندىقتان اسا قاۋٸپتٸ پاتوگەندەردٸڭ الدىن الۋ نەمەسە سالدارىن تٶمەندەتۋ ٷشٸن جٷيەلٸ تٷردە تٷرلٸ سيپاتتاعى بيولوگييالىق قاتەردٸڭ مونيتورينگٸن جٷرگٸزٸپ, بولجاۋ جۇمىستارىن ٸسكە اسىرعان جٶن», - دەدٸ كٷنسۇلۋ زاكاريا مەجٸلٸستەگٸ دٶڭگەلەك ٷستەل وتىرىسىندا.
بۇل تۇرعىدا عالىم وتاندىق بيوپرەپاراتتار مەن دەرٸ-دەرمەكتٸ, سونداي-اق قورعانىس قۇرالدارىن ٶندٸرۋدٸ ارتتىرۋ ٶتە ماڭىزدى ەكەنٸن اتاپ ٶتتٸ.
«قازٸرگٸ كەزدە انتيبيوتيكتەردٸ قاداعالاۋسىز قابىلداۋدى رەتتەۋ مەسەلەسٸ ٶزەكتٸ بولىپ تۇر. بيولوگييالىق قاۋٸپسٸزدٸكتٸڭ بارلىق مەسەلەلەرٸ ٷشٸن جالپى ٷيلەستٸرۋ كٷش-جٸگەرٸن ايقىنداۋ كەرەك», - دەدٸ ك. زاكاريا.
ونىڭ سٶزٸنە قاراعاندا, انتيبيوتيككە تٶزٸمدٸ ميكرواعزالاردىڭ پايدا بولۋىن تٶمەندەتۋ ٷشٸن مەديتسينا مەن اۋىل شارۋاشىلىعىندا انتيبيوتيكتەردٸ قابىلداۋدى رەتتەۋ قادامدارىن ەنگٸزۋ كەرەك.
