«Biologiialyq qaýipsizdik problemalary ǵylymi-zertteý institýty» ShJQ RMK Bas direktory Kúnsulý Zakaria elimizde antibiotikterdi orynsyz qabyldaýdyń ziianyn aitty, dep habarlaidy QazAqparat.
Onyń paiymynsha, asa qaýipti aýrýlardyń qateri men jańa infektsiialardyń paida bolýy indettiń aldyn alý nemese olardyń saldaryn barynsha tómendetýge baǵyttalǵan júieli sharalardy qabyldaýdy talap etedi.
«Sarapshylardyń pikirine qaraǵanda, birqatar asa qaýipti aýrýlar jahandaný men halyqtyń belsendi kóshi-qony, jabaiy janýarlar men qustardyń migratsiiasyna bailanysty. Osy oraida aýrýlar jańa aýmaqtarda tez taraidy. Sondyqtan asa qaýipti patogenderdiń aldyn alý nemese saldaryn tómendetý úshin júieli túrde túrli sipattaǵy biologiialyq qaterdiń monitoringin júrgizip, boljaý jumystaryn iske asyrǵan jón», - dedi Kúnsulý Zakaria Májilistegi dóńgelek ústel otyrysynda.
Bul turǵyda ǵalym otandyq biopreparattar men dári-dármekti, sondai-aq qorǵanys quraldaryn óndirýdi arttyrý óte mańyzdy ekenin atap ótti.
«Qazirgi kezde antibiotikterdi qadaǵalaýsyz qabyldaýdy retteý máselesi ózekti bolyp tur. Biologiialyq qaýipsizdiktiń barlyq máseleleri úshin jalpy úilestirý kúsh-jigerin aiqyndaý kerek», - dedi K. Zakaria.
Onyń sózine qaraǵanda, antibiotikke tózimdi mikroaǵzalardyń paida bolýyn tómendetý úshin meditsina men aýyl sharýashylyǵynda antibiotikterdi qabyldaýdy retteý qadamdaryn engizý kerek.
