ەلٸمٸزدەگٸ 18 شارۋاشىلىق ينتەراڭشىلىقپەن اينالىسادى. بۇل تۋرالى قر اشم ورمان شارۋاشىلىعى جەنە جانۋارلار ەلەمٸ كوميتەتٸنٸڭ باسپاسٶز حاتشىسى سەكەن دٸلداحمەت مەلٸم ەتتٸ, دەپ حابارلايدى قازاقپارات تٸلشٸسٸ.
«قازٸرگٸ كەزدە قازاقستاندا جالپى اڭشىلاردىڭ سانى 130 مىڭعا جۋىق. ولاردىڭ كٶبٸسٸ اڭشىلىق ۇيىمداردا تٸركەلٸپ, كۋەلٸكتەرٸن الادى. سودان كەيٸن اڭشىلىق شارۋاشىلىقتارعا بارىپ, تيٸستٸ كەزەڭدە اڭنىڭ تٷرٸنە قاراي ليتسەنزييانى ساتىپ الىپ, اڭعا شىعادى. بۇل رەتتە ولاردى شارۋاشىلىقتارداعى قورىقشىلار باقىلاپ جٷرەدٸ», - دەدٸ ول تٸلشٸگە بەرگەن جاۋابىندا.
ونىڭ سٶزٸنە قاراعاندا, بٷگٸندە 29 ملن گەكتار اۋماقتا 701 اڭشىلىق شارۋاشىلىق جۇمىس ٸستەپ تۇر.
«سونىڭ ٸشٸندە 18 شارۋاشىلىق ينتەراڭشىلىقپەن (اڭشىلىق تۋريزم) اينالىسادى, ياعني شەتەل ازاماتتارى كەلەدٸ. جالپى, اتالعان شارۋاشىلىقتارداعى كٸرٸس ورتا دەڭگەيدە, الايدا جىل سايىن ٶسٸم بايقالىپ كەلەدٸ», - دەدٸ س. دٸلداحمەت.
وسى ورايدا ول شەتەل ازاماتتارى ەلٸمٸزدەگٸ تاۋلى ٶڭٸرلەردە اڭعا شىققاندى قالايتىنىن اتاپ ٶتتٸ.
«2017 جىلى زاڭعا تيٸستٸ ٶزگەرتۋلەر قاراستىرىلىپ, «فەرمەرلٸك اڭشىلىق شارۋاشىلىعى» تٷسٸنٸگٸ ەنگٸزٸلدٸ. بۇل تۇرعىدا شارۋاشىلىقتارعا فەرمەرلٸك تٷردە اڭدى ٶسٸرٸپ, اڭشىلىق ۇيىمداستىرۋعا مٷمكٸندٸك بەرٸلەدٸ. وسى رەتتە اڭداردى ٶزدەرٸ ٶسٸرٸپ, مٷمكٸندٸگٸنشە تابيعاتتا جٷرگەن جانۋارلار سانىن ازايتپاۋعا قادام جاسالدى», - دەدٸ باسپاسٶز حاتشىسى.
