فوتو: اشىق دەرەككٶز
قازاقستاندا مەكتەپتەردەگٸ العاشقى ەسكەري دايىندىق باعدارلاماسى قايتا قارالىپ جاتىر. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگ بارىسىندا قورعانىس مينيسترلٸگٸنٸڭ ەسكەري بٸلٸم جەنە عىلىم دەپارتامەنتٸنٸڭ باستىعى مۇرات ولجاباەۆ حابارلادى.
ۆەدومستۆو ٶكٸلٸنٸڭ ايتۋىنشا, قازٸرگٸ تاڭدا بۇل پەنگە بٶلٸنەتٸن ۋاقىت جەتكٸلٸكسٸز. وسىعان وراي قورعانىس مينيسترلٸگٸ مەن وقۋ-اعارتۋ مينيسترلٸگٸ بٸرلەسٸپ, پەن ساعاتتارىن كٶبەيتٸپ, پاتريوتتىق تەربيەگە باعىتتالعان ٸس-شارالاردىڭ سانىن ارتتىرۋدى جوسپارلاپ وتىر.
"مەكتەپتەردە العاشقى ەسكەري دايىندىققا ٶتە از ۋاقىت بٶلٸنەدٸ. بٸزدٸڭ مينيسترلٸك وقۋ-اعارتۋ مينيسترلٸگٸمەن بٸرلەسٸپ جاڭا باعدارلامانى قاراستىرىپ جاتىر", – دەدٸ ول.
جاڭا باعدارلاما اياسىندا وقۋشىلاردىڭ ەسكەري-پاتريوتتىق رۋحىن نىعايتۋعا باعىتتالعان قوسىمشا ساباقتار مەن ٸس-شارالار ەنگٸزٸلمەك. بۇل باستاما جاستاردىڭ ەل قورعاۋعا دەگەن قىزىعۋشىلىعىن ارتتىرىپ, ازاماتتىق جاۋاپكەرشٸلٸگٸن كٷشەيتۋدٸ ماقسات ەتەدٸ.
