سۋرەت اشىق دەرەككٶزدەن الىندى
ۇلتتىق ستاتيستيكا بيۋروسى اباي كٷنٸنە وراي اقىن ەسٸمٸمەن اتتاس قازاقستاندىقتار تۋرالى دەرەكتەردٸ ۇسىندى, دەپ حابارلايدى Sputnik قازاقستان.
"بٷگٸندە قازاقستاندا اباي ەسٸمدٸ 18 452 ادام تۇرادى. اقىنمەن اتتاس تۇرعىندار سانى تٷركٸستان وبلىسىندا كٶپ كەزدەسەدٸ. مۇندا 2050 ادام تۇرادى", - دەلٸنگەن بيۋرو حابارلاماسىندا.
سونداي-اق ۇلى شايىردىڭ ەسٸمٸ بەرٸلگەن ادام سانى جاعىنان ەكٸنشٸ ورىندا – استانا. ەلوردادا ۇلى ويشىلدىڭ اتىن ارقالاعان 1930 ادام تۇرادى. العاشقى ٷشتٸكتٸ اباي ەسٸمدٸ 1 588 ادام تۇراتىن الماتى وبلىسى تٷيٸندەيدٸ.
ويشىل ەسٸمٸ بار تۇرعىندار سانى ۇلىتاۋ ٶڭٸرٸندە ٶتە از. مۇندا نەبەرٸ اباي ەسٸمدٸ 194 ادام تۇرادى. اقىننىڭ تۋعان ٶلكەسٸندە (اباي وبلىسىندا) 238 ادام تۇرادى.
جاس قۇرامىن قاراساق, اباي ەسٸمدٸ 17 جاسقا دەيٸنگٸ 4297 بالا بار, ال 18 بەن 44 جاس ارالىعىندا – 8231 ادام.
