ەلٸمٸزدە جەكە كۋەلٸكسٸز ٶمٸر سٷرٸپ جٷرگەن 4686 ادام انىقتالدى, دەپ حابارلايدى قازاقپارات.
«بٸزدٸڭ مينيسترلٸك ٶتكەن جىلدىڭ قازان ايىنان باستاپ ٷكٸمەتتٸك ەمەس ۇيىمدار, ادام قۇقىعى جەنە زاڭدىلىقتى ساقتاۋ تۋرالى حالىقارالىق بيۋرو جەنە «سەزٸم – ەيەلدەر باستاماسى» قۇقىق ورتالىعىمەن بٸرلەسٸپ, ەل اۋماعىندا جەكە قۇجاتسىز جٷرگەن ازاماتتاردى انىقتاۋ ماقساتىندا كەڭ اۋقىمدى اكتسييا ۇيىمداستىردى. اكتسييانىڭ نەتيجەسٸندە قازاقستاندا قۇجاتسىز 4686 ادام انىقتالدى. ولار نەگٸزٸنەن الماتى, قاراعاندى, تٷركٸستان, اقمولا جەنە جامبىل وبلىستارىندا تۇرعان. بٷگٸندە قۇجاتسىز وسى ازاماتتاردىڭ 3408-نە جەكە كۋەلٸك بەرٸلدٸ. ال قالعان 1278 ادامدى قۇجاتتاندىرۋ جۇمىسى جٷرٸپ جاتىر», - دەدٸ قر ٸٸم كٶشٸ-قون كوميتەتٸ تٶراعاسىنىڭ ورىنباسارى سابىرجان سەيٸتجانوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونداي-اق, كٶشٸ-قون كوميتەتٸنٸڭ ٶكٸلٸ قۇجاتسىز جٷرگەندەرگە جەكە كۋەلٸكتٸ قالاي الۋعا بولاتىندىعى تۋرالى كەڭەسٸمەن بٶلٸستٸ.
«ادامدار ٶمٸردەگٸ تٷرلٸ جاعدايلاردىڭ سالدارىنان قۇجاتسىز قالۋى مٷمكٸن. قانداي جاعدايدا بولماسىن كەز كەلگەن ادامنىڭ جەكە كۋەلٸگٸ بولۋى تيٸس. ونسىز ەشقانداي كٶمەك, قولداۋ الا المايدى, تٸپتٸ جۇمىسقا دا تۇرا المايدى. دەمەك, قۇجاتسىز ادام نە ٸستەۋ كەرەك? ەلٸمٸزدٸڭ بارلىق ايماعىندا كٶشٸ-قون كوميتەتٸنٸڭ بٶلٸمشەلەرٸ بار. الدىمەن سول جەرگە بارىپ, ازامات ٶزٸنٸڭ قۇجاتسىز جٷرگەنٸن ايتۋ كەرەك. سول جەردەگٸ ماماندار ول ازاماتتىڭ مەرتەبەسٸن انىقتاپ, ۋاقىتشا قۇجات بەرە الادى. سودان سوڭ ازاماتقا قاتىستى تولىق جاعداي انىقتالىپ, ونىڭ نەلٸكتەن قۇجاتسىز جٷرگەنٸ انىقتالعان سوڭ رەسمي تٷردە قازاقستاننىڭ ازاماتى ەكەنٸن دەلەلدەيتٸن جەكە كۋەلٸك بەرٸلەدٸ», - دەيدٸ ول.
