ەلٸمٸزدە 9 مىڭنان اسا وتباسىلىق قوسالقى شارۋاشىلىقتى بٸرٸكتٸرەتٸن 280 اۋىل شارۋاشىلىعى كووپەراتيۆٸ قۇرىلادى. بۇل تۋرالى سەناتتا «حالىقتىڭ تابىسىن ارتتىرۋدىڭ 2025 جىلعا دەيٸنگٸ باعدارلاماسى» كەشەندٸ جوسپارىن ٸسكە اسىرۋدى تالقىلاۋ كەزٸندە پرەمەر-مينيستردٸڭ ورىنباسارى ەرالى توعجانوۆ مەلٸم ەتتٸ, دەپ حابارلايدى قازاقپارات.
«2025 جىلعا دەيٸن حالىقتىڭ تاۋار ساتىپ الۋ مٷمكٸندٸگٸن قورعاۋ ماقساتىندا قانتتان باسقا ازىق-تٷلٸك تاۋارلارى بويىنشا 100% يمپورتتى الماستىرۋ شارالارى ٸسكە اسىرىلادى. بۇل ٸرٸ 87 سٷت-تاۋار فەرماسىن, 14 ەت كومبيناتىن, 17 قۇس فابريكاسىن ٸسكە قوسۋ جەنە 6,6 مىڭ گەكتار باق پەن بٸر قانت زاۋىتىن (پاۆلودار) سالۋ ارقىلى جٷزەگە اسىرىلادى», - دەدٸ توعجانوۆ.
سونىمەن قاتار ول باقشا, سٷت, بال ٶنٸمدەرٸن ٶندٸرەتٸن 9 مىڭنان اسا وتباسىلىق قوسالقى شارۋاشىلىقتى بٸرٸكتٸرەتٸن 280 اۋىل شارۋاشىلىعى كووپەراتيۆٸن قۇرۋ جوسپارلانىپ وتىرعانىن ايتتى.
«جالپى جوعارىدا اتاپ ٶتكەنٸمدەي, 2025 جىلعا دەيٸن 450 مىڭنان اسا جۇمىس ورىندارىن قۇرۋ جوسپارلانعان اگروٶنەركەسٸپ سالاسىن دامىتۋ «اۋىل اماناتى» جوباسى اياسىندا ٸسكە اسىرىلادى. بۇل رەتتە وتباسىلىق شارۋاشىلىقتى دامىتۋ بويىنشا جامبىل وبلىسىندا تيٸمدٸ ٸسكە اسىرىلعان پيلوتتى جوبانى ەلٸمٸزدٸڭ باسقا ايماقتارىنا تاراتۋ جۇمىستارى جٷرگٸزٸلٸپ جاتىر. قاناتقاقتى جوبا 2019 جىلدان بەرٸ 11 اۋىلدىق وكرۋگتە ٸسكە اسىرىلدى. نەتيجەسٸندە, جوباعا قاتىسقان 2,5 مىڭ وتباسىنىڭ تابىسى 4 ەسەگە ارتقان. بۇل اۋىلدارداعى اتاۋلى ەلەۋمەتتٸك كٶمەك الۋشىلار سانى 65%-عا ازايعان. كەسٸپكەرلەر سانى 966-دان 3248-گە دەيٸن ٶسكەن, ياعني ەربٸر ٷشٸنشٸ وتباسى كەسٸپكەرلٸكپەن اينالىسىپ وتىر. قازٸر 11 اۋىلدان تٷسەتٸن جىل سايىنعى سالىق تٷسٸمدەرٸنٸڭ كٶلەمٸ 125 ملن تەڭگەگە جەتتٸ», - دەدٸ ٷكٸمەت باسشىسىنىڭ ورىنباسارى.
