فوتو: اشىق دەرەككٶز
2025 جىلدىڭ العاشقى جارتىجىلدىعىندا قازاقستاندا مەملەكەتتٸك ەلەۋمەتتٸك تاپسىرىس سالاسىندا ايتارلىقتاي ٸلگەرٸلەۋ بايقالدى. بٷگٸندە ەلٸمٸز بويىنشا جالپى سوماسى 33,1 ملرد تەڭگەنٸ قۇرايتىن 2105 ەلەۋمەتتٸك جوبا جٷزەگە اسىرىلۋدا, دەپ حابارلايدى Ult.kz.
بۇل جوبالار ينكليۋزيۆتٸ قوعام قالىپتاستىرۋ, ەلەۋمەتتٸك وسال توپتاردى قولداۋ, سونداي-اق ازاماتتاردىڭ قۇقىقتىق ساۋاتىن ارتتىرۋ, ونىڭ ٸشٸندە اۋىلدىق ٶڭٸرلەردە دە كەڭٸنەن قامتۋ ماقساتىندا جٷرگٸزٸلۋدە.
1 شٸلدەدەن باستاپ مەملەكەتتٸك گرانتتار بەرۋ جەنە ولاردى باقىلاۋ ەرەجەلەرٸنٸڭ جاڭارتىلعان رەداكتسيياسى كٷشٸنە ەندٸ. جاڭا تەسٸلدەر رەسٸمدەردٸ جەڭٸلدەتٸپ, اشىقتىقتى ارتتىردى, سونىڭ نەتيجەسٸندە ٷكٸمەتتٸك ەمەس ۇيىمدارعا (ٷەۇ) جوبالاردىڭ مازمۇنىنا كٶبٸرەك كٶڭٸل بٶلۋگە جول اشىلدى. سونىڭ نەتيجەسٸندە گرانتتارعا كەلٸپ تٷسكەن ٶتٸنٸمدەر سانى 7,7%-عا ارتتى, ال بٸر گرانتقا ورتاشا 16,9 ٶتٸنٸم تٸركەلٸپ, بەسەكە كٷشەيدٸ. بۇل ازاماتتىق سەكتوردىڭ مەملەكەتتٸك قولداۋ تەتٸكتەرٸنە سەنٸمٸ ارتقانىن كٶرسەتەدٸ.
گرانتتىق قارجىلاندىرۋدىڭ ناقتى ەلەۋمەتتٸك نەتيجەسٸ دە بار. جىل سايىن مٷمكٸندٸگٸ شەكتەۋلٸ جانداردىڭ جۇمىسقا ورنالاسۋىنا جاعداي جاسالىپ, 500-دەن استام وقىتۋ ٸس-شاراسى ٶتكٸزٸلەدٸ. بيىلدىڭ ٶزٸندە 3 مىڭعا جۋىق ازامات ەڭبەك نارىعىندا سۇرانىسقا يە داعدىلاردى مەڭگەرٸپ ٷلگەردٸ.
ٷەۇ-مەن ەرٸپتەستٸكتٸ نىعايتۋ ماقساتىندا جەتٸسۋ, جامبىل, اقمولا جەنە سولتٷستٸك قازاقستان وبلىستارىندا مىڭنان استام ٷەۇ ٶكٸلٸ قاتىسقان فورۋمدار ۇيىمداستىرىلدى. جٷزدەن استام پراكتيكالىق ۇسىنىم ەزٸرلەنٸپ, قازان ايىندا استانا قالاسىندا ٶتەتٸن XII رەسپۋبليكالىق ازاماتتىق فورۋمدا قورىتىندىلانباق. فورۋمعا مەملەكەتتٸك ورگاندار, ازاماتتىق قوعام, بيزنەس جەنە حالىقارالىق ساراپشىلار قاتارىنان 700-دەن استام قاتىسۋشى شاقىرىلادى.
قوعامدىق باقىلاۋ جٷيەسٸنٸڭ ماڭىزدى بۋىنى – قوعامدىق كەڭەستەر. قازٸرگٸ تاڭدا ەلٸمٸزدە 264 كەڭەس جۇمىس ٸستەيدٸ, ونىڭ 36-سى رەسپۋبليكالىق دەڭگەيدە. كەڭەستەر قۇرامىندا 4 مىڭعا جۋىق بەلسەندٸ ازامات بار. بيىلعى جارتىجىلدىقتا ولار 1500-دەن استام نورماتيۆتٸك-قۇقىقتىق اكت جوباسىن قاراپ, 200-دەن استام قوعامدىق تىڭداۋ جەنە 300-گە جۋىق مونيتورينگ جٷرگٸزگەن.
سونىمەن قاتار, قوعامدىق كەڭەستەر «تازا قازاقستان» ەكولوگييالىق اكتسيياسىن قولداپ, ٶڭٸرلەردە 65-تەن استام ٸس-شارا ٶتكٸزدٸ. ەكولوگييالىق مونيتورينگتەر بارىسىندا تۋريستٸك ايماقتار, جاسىل بەلدەۋلەر, رۇقساتسىز قوقىس پوليگوندارى مەن جەر قويناۋىن پايدالاناتىن ورىندار قامتىلدى.
KAZKENES.KZ بٸرىڭعاي ينتەرنەت-پلاتفورماسى قوعامدىق كەڭەستەردٸڭ جۇمىسىن اقپاراتتىق تۇرعىدا سٷيەمەلدەپ كەلەدٸ. 2025 جىلدىڭ العاشقى التى ايىندا پلاتفورماعا 1,5 ميلليونعا جۋىق قولدانۋشى كٸرگەن. بۇل رەسۋرس ازاماتتارمەن اشىق ديالوگ قۇرۋداعى ماڭىزدى قۇرالعا اينالدى.
قازاقستانداعى مەملەكەتتٸك ەلەۋمەتتٸك تاپسىرىس پەن قوعامدىق باقىلاۋ ينستيتۋتىنىڭ دامۋى — ٷكٸمەتتٸك ەمەس سەكتوردى قولداۋعا جەنە ازاماتتاردىڭ شەشٸم قابىلداۋ ٷدەرٸسٸنە بەلسەندٸ قاتىسۋىنا باعىتتالعان ستراتەگييالىق قادامنىڭ ناقتى كٶرٸنٸسٸ.
