2025 جىلعا دەيٸن 5 ۋنيۆەرسيتەتتٸك جەنە 3 كٶپبەيٸندٸ اۋرۋحانا سالىنادى. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸ اجار عينييات ايتتى, دەپ حابارلايدى قازاقپارات تٸلشٸسٸ.
مەملەكەت باسشىسى قاسىم-جومارت توقاەۆ بەرگەن تاپسىرماسىندا دەنساۋلىق ساقتاۋ جٷيەسٸنٸڭ رەسۋرستارىن, اتاپ ايتقاندا, 20 اۋرۋحانانىڭ قۇنىن مەملەكەتتٸك-جەكەشەلٸك ەرٸپتەستٸك تەتٸكتەرٸن پايدالانا وتىرىپ, قايتا قاراۋ قاجەتتٸگٸن ەرەكشە اتاپ ٶتتٸ.
كٶپبەيٸندٸ اۋرۋحانالار سالۋ بويىنشا رەسپۋبليكالىق مەملەكەتتٸك-جەكەشەلٸك ەرٸپتەستٸك جوبالارىنىڭ تٸزبەسٸن وڭتايلاندىرۋ ماقساتىندا دەنساۋلىق ساقتاۋ مينيسترلٸگٸ قولدانىستاعى «دەنٸ ساۋ ۇلت» ۇلتتىق جوباسىن ٸسكە اسىرۋ اياسىندا بٸرٸنشٸ كەزەڭدە 2025 جىلعا دەيٸن 5 ۋنيۆەرسيتەتتٸك اۋرۋحانا جەنە 3 كٶپبەيٸندٸ اۋرۋحانا سالۋدى جٷزەگە اسىرۋدى جوسپارلاپ وتىر. بۇل رەتتە, قالعان 12 جوبا 2026 جىلدان باستاپ كەزەڭ-كەزەڭٸمەن ەنگٸزٸلەتٸن بولادى», - دەدٸ اجار عينييات.
ونىڭ اتاپ ٶتۋٸنشە, بٷگٸنگٸ تاڭدا يندۋسترييا جەنە ينفراقۇرىلىمدىق دامۋ, ۇلتتىق ەكونوميكا جەنە قارجى مينيسترلٸكتەرٸمەن مەديتسينالىق بۇيىمدارسىز اۋرۋحانا قۇرىلىسىنىڭ 1 شارشى مەترٸنٸڭ شەكتٸ قۇنىن جەنە 1 تٶسەك-ورىنعا ارنالعان شەكتٸ الاڭ نورماتيۆٸن ايقىنداۋ جۇمىسىن جٷرگٸزٸپ جاتىر. سونداي-اق وڭتايلى قارجى مودەلٸن پىسىقتاۋ جەنە جوعارى اتالعان 8 جوبا بويىنشا شىعىستاردى وڭتايلاندىرۋدى قولعا الدى.
«جوعارىدا اتالعان تاپسىرمالار اۋرۋحانالاردى سالۋ جٶنٸندەگٸ باعدارلامانى ٸسكە اسىرۋدىڭ بٸرىڭعاي تەسٸلٸ مەن وڭتايلى نۇسقاسى جٶنٸندە ۇسىنىستار ەزٸرلەۋگە مٷمكٸندٸك بەرەدٸ. ۋنيۆەرسيتەتتٸك اۋرۋحانالاردى ٸسكە اسىرۋدىڭ باسىمدىعى بارلىق قالعان جوبالاردى كادرلارمەن قامتاماسىز ەتۋ جەنە بٸلٸم, عىلىم مەن پراكتيكانىڭ ٷشتۇعىرلىعى قاعيداتىن ٸس جٷزٸندە قولدانۋ قاجەتتٸگٸنەن تۋىندايدى», - دەدٸ ول.
