قازاقستاندا 20 زاماناۋي گوسپيتال سالىنادى. بۇل تۋرالى باق ٶكٸلدەرٸمەن كەزدەسۋ بارىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«پاندەمييا جاعدايىندا, قىسقا عانا ۋاقىتتىڭ ٸشٸندە 17 اۋرۋحانا سالىنىپ, نەگٸزگٸ اۋىرتپالىقتى موينىنا الدى», - دەدٸ اسقار مامين باق ٶكٸلدەرٸنٸڭ ساۋالىنا وراي.
ونىڭ اتاپ ٶتۋٸنشە, اتالعان اۋرۋحانالار ەڭ زاماناۋي قۇرال-جابدىقتارمەن قامتاماسىز ەتٸلگەن. سونىمەن قاتار مەديتسينا قىزمەتكەرلەرٸنٸڭ جۇمىس ٸستەۋٸنە دە بارلىق جاعداي جاسالعان. دەل وسى جايت پاندەمييا كەزٸندە, ناۋقاستار سانى ارتقاندا ولاردى ەمدەۋگە مٷمكٸندٸك بەردٸ.
«جوسپارىمىزدا بٷكٸل قازاقستاندا 20 زاماناۋي گوسپيتال سالۋ بار. وسى تۇرعىدا تٷركييانىڭ تەجٸريبەسٸن زەردەلەدٸك. تٷركيياعا ارنايى تٷردە جۇمىس ساپارىمەن بارىپ, سالىنعان گوسپيتالداردا بولدىم. تٷركييا بۇل سالادا سەرپٸلٸس جاساعان. قازٸرگٸ ۋاقىتتا قازاقستاندا سونداي مودەلدەردٸ جٷزەگە اسىراتىن بولامىز. بٷگٸندە مەملەكەتتٸك-جەكەشەلٸك ەرٸپتەستٸك ارقىلى بٸرنەشە گوسپيتال سالىنىپ جاتىر. ولار بٸزگە الداعى بٸرنەشە ونداعان جىلعا دايىن بولۋىمىزعا مٷمكٸندٸك بەرەدٸ», - دەدٸ اسقار مامين.
