Qazaqstanda 20 zamanaýi gospital salynady. Bul týraly BAQ ókilderimen kezdesý barysynda QR Premer-Ministri Asqar Mamin aitty, dep habarlaidy QazAqparat.
«Pandemiia jaǵdaiynda, qysqa ǵana ýaqyttyń ishinde 17 aýrýhana salynyp, negizgi aýyrtpalyqty moinyna aldy», - dedi Asqar Mamin BAQ ókilderiniń saýalyna orai.
Onyń atap ótýinshe, atalǵan aýrýhanalar eń zamanaýi qural-jabdyqtarmen qamtamasyz etilgen. Sonymen qatar meditsina qyzmetkerleriniń jumys isteýine de barlyq jaǵdai jasalǵan. Dál osy jait pandemiia kezinde, naýqastar sany artqanda olardy emdeýge múmkindik berdi.
«Josparymyzda búkil Qazaqstanda 20 zamanaýi gospital salý bar. Osy turǵyda Túrkiianyń tájiribesin zerdeledik. Túrkiiaǵa arnaiy túrde jumys saparymen baryp, salynǵan gospitaldarda boldym. Túrkiia bul salada serpilis jasaǵan. Qazirgi ýaqytta Qazaqstanda sondai modelderdi júzege asyratyn bolamyz. Búginde memlekettik-jekeshelik áriptestik arqyly birneshe gospital salynyp jatyr. Olar bizge aldaǵy birneshe ondaǵan jylǵa daiyn bolýymyzǵa múmkindik beredi», - dedi Asqar Mamin.
