فوتو: polisia.kz
قازاقستاندىق پوليتسەيلەر بوپسالاۋمەن اينالىسقان 20-دان استام جاستار توبىن ۇستادى, – دەپ حابارلايدى Polisia.kz.
ٸشكٸ ٸستەر مينيسترلٸگٸ جاستار اراسىنداعى بوپسالاۋ فاكتٸلەرٸن انىقتادى. وسى جىلى پوليتسييا قىزمەتكەرلەرٸ بوپسالاۋدىڭ 400-دەن استام دەرەگٸن تٸركەدٸ, ونىڭ 39-ى مەكتەپتەر مەن كوللەدجدەردە جاسالعان.
وقۋ ورىندارىندا 60 مىڭعا جۋىق پروفيلاكتيكالىق ٸس-شارا ٶتكٸزٸلدٸ, وندا بوپسالاۋ, بۋللينگ جەنە زورلىق-زومبىلىق كٶرسەتۋمەن بايلانىستى مەسەلەلەر تالقىلاندى. مەكتەپتەر مەن كوللەدجدەردە انونيمدٸ ساۋالنامالار جٷرگٸزٸلٸپ, وقۋشىلار اراسىندا بوپسالاۋدىڭ 50-دەن استام ىقتيمال فاكتٸسٸ انىقتالدى. بارلىق جاعداي تەكسەرٸلەتٸن بولادى.
مۇنداي فاكتٸلەردٸ ۋاقىتىلى انىقتاپ, جولىن كەسۋ جاسٶسپٸرٸمدەر قىلمىسىنىڭ الدىن الۋعا ىقپال ەتەدٸ. جىل باسىنان بەرٸ بوپسالاۋمەن اينالىساتىن 23 جاستار توبىنىڭ ەرەكەتٸنە توسقاۋىل قويىلدى.
مەسەلەن, قىركٷيەك ايىندا اقتٶبە قالاسىندا ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ كوللەدجدٸڭ كەمەلەتكە تولماعان ستۋدەنتٸن ۇستادى. ول 15 جاستاعى جاسٶسپٸرٸمنەن 50 مىڭ تەڭگە كٶلەمٸندە اقشا بوپسالاعان. كٷدٸكتٸ قۇرىقتالىپ, سوتقا دەيٸنگٸ تەرگەۋ باستالدى. جامبىل وبلىسىندا جاسٶسپٸرٸم جەكە دەرەكتەردٸ تاراتامىن دەپ قورقىتۋ ارقىلى ٶز قاتارلاستارىنان اقشا بوپسالاعان.
وسىنداي 8 فاكت تٸركەلٸپ, قىلمىستىق ٸس سوتقا جٸبەرٸلدٸ. پەتروپاۆل قالاسىندا پوليتسييا قىزمەتكەرلەرٸ جاستار توبىنىڭ مٷشەلەرٸن ۇستادى. ولار زورلىق-زومبىلىق پەن قورقىتۋ ارقىلى جەبٸرلەنۋشٸلەردٸ قارىز رەسٸمدەۋگە مەجبٷرلەپ, كەيٸننەن ونى قولما-قول اقشاعا اينالدىرىپ وتىرعان. كٷدٸكتٸلەر قاماۋعا الىندى.
ٸٸم ٶكٸلدەرٸ قىلمىستىڭ بۇل تٷرٸ ٷشٸن 14 جاستان باستاپ قىلمىستىق جاۋاپكەرشٸلٸك قاراستىرىلعانىن ەسكەرتتٸ.
