2021 جىلى قازاقستاندا ونكولوگييالىق اۋرۋلاردىڭ 36 مىڭنان استام جاڭا جاعدايى تٸركەلگەن. بۇل كٶرسەتكٸش 2020 جىلمەن سالىستىرعاندا 4 مىڭعا كٶبٸرەك, دەپ حابارلايدى قازاقپارات.
«2021 جىلدىڭ قورىتىندىسى بويىنشا, ونكولوگييالىق اۋرۋلارمەن سىرقاتتانۋ 9,8%-عا ٶسٸپ, 100 مىڭ تۇرعىنعا شاققاندا 190,3-تٸ قۇرادى. ياعني, 2021 جىلى 36 مىڭنان استام جاڭا جاعداي انىقتالدى, بۇل 2020 جىلمەن سالىستىرعاندا 4 مىڭعا ارتىق. مۇنى 2020 جىلى Covid-19 جاعدايىنا بايلانىستى تۇرعىنداردىڭ ەمحاناعا بارا الماۋىمەن بايلانىستىرۋعا بولادى. 2021 جىلى ەمحاناعا بارعان تۇرعىنداردىڭ سانى كٶپ, سكرينينگتەن ٶتكەن تۇرعىندار سانى كٶپ», - دەدٸ قازاق ونكولوگييا جەنە راديولوگييا عىلىمي-زەرتتەۋ ينستيتۋتىنىڭ باسشىسى, قر دەنساۋلىق ساقتاۋ مينيسترلٸگٸنٸڭ شتاتتان تىس باس ونكولوگى ديليارا قايداروۆا ورتالىق كوممۋنيكاتسييالار قىزمەتٸندە ٶتكەن باسپاسٶز كونفەرەنتسيياسىندا.
ونىڭ ايتۋىنشا, قازاقستاندا 194 مىڭ ناۋقاس ەسەپتە تۇر.
قر دسم مەديتسينالىق كٶمەكتٸ ۇيىمداستىرۋ دەپارتامەنتٸ ديرەكتورىنىڭ ورىنباسارى گٷلنار جانعاراشەۆانىڭ ايتۋىنشا, ونكولوگييالىق اۋرۋلارمەن اۋىراتىنداردىڭ نەگٸزگٸ ٷلەسٸن (59%) ەڭبەككە قابٸلەتتٸ جاستاعى ادامدار قۇرايدى.
«ونكولوگييالىق اۋرۋلاردى ەرتە انىقتاۋ 27%-عا دەيٸن ٶستٸ. اۋرۋ بويىنشا بٸرٸنشٸ ورىندا سٷت بەزٸ وبىرى, ەكٸنشٸ ورىندا – ٶكپە وبىرى, ٷشٸنشٸ ورىندا – كولورەكتالدى قاتەرلٸ ٸسٸك, تٶرتٸنشٸ ورىندا – اسقازان وبىرى, بەسٸنشٸ ورىندا – جاتىر موينى وبىرى تۇر. بٸزدە ٶلٸم-جٸتٸم 4,7%-عا تٶمەندەدٸ جەنە بيىل 13 665 جاعدايدى قۇرادى. ٶلٸم-جٸتٸم قۇرىلىمىندا بٸرٸنشٸ ورىندا ٶكپە وبىرى, ەكٸنشٸ ورىندا – اسقازان وبىرى, ٷشٸنشٸ ورىندا – كولورەكتالدى قاتەرلٸ ٸسٸك, تٶرتٸنشٸ ورىندا – سٷت بەزٸ وبىرى تۇر», - دەپ تولىقتىردى د.قايداروۆا.
سپيكەر قازاقستاندا ونكولوگييالىق ناۋقاستار ٷشٸن ەمدەۋ تەگٸن ەكەنٸن ەسكە سالدى. وعان حيرۋرگييالىق ەمدەۋ, سەۋلەلٸك تەراپييا, حيميوتەراپييا, ماقساتتى تەراپييا, يممۋنوتەراپييا كٸرەدٸ. جىل سايىن ناۋقاستاردى ەمدەۋگە 66 ملرد تەڭگەدەن استام قاراجات قاجەت.
