قر بٸلٸم جەنە عىلىم مينيسترلٸگٸ جاڭا وقۋ جىلىندا ارنايى بٸلٸم بەرۋ ۇيىمدارىنىڭ قالاي جۇمىس ٸستەيتٸنٸن تٷسٸندٸردٸ, دەپ حابارلايدى قازاقپارات.
«بٸزدٸڭ ارنايى سالادا ارنايى مەكتەپتەر, مەكتەپ-ينتەرناتتار, پەداگوگيكالىق, مەديتسينالىق, پسيحولوگييالىق كونسۋلتاتسييالار, تٷزەۋ كابينەتتەرٸ, وڭالتۋ ورتالىقتارى سىندى باسقا دا ۇيىمدار بار. وسى ۇيىمداردىڭ پاندەمييا كەزٸندەگٸ وقۋ پروتسەسٸن ۇيىمداستىرۋدىڭ ەدٸستەمەلٸك ۇسىنىمدارى ەزٸرلەندٸ. اتالعان ۇسىنىمدار بٸزدە قوعامدىق ۇيىمدارمەن, دەنساۋلىق ساقتاۋ سالاسىنىڭ ماماندارىمەن, ارنايى بٸلٸم بەرۋ سالاسىنىڭ ماماندارىمەن تالقىلاندى. شٸلدە ايىندا تالقىلانىپ, تامىز كەڭەسٸندە بارلىق مۇعالٸمدەردٸڭ قاراۋىنان ٶتتٸ», - دەدٸ قر بعم مەكتەپكە دەيٸنگٸ جەنە ورتا بٸلٸم كوميتەتٸنٸڭ باس ساراپشىسى ارداق ايتجانوۆا Facebook پاراقشاسىندا ٶتكەن ونلاين جينالىستا.
اتالعان ەدٸستەمەلٸك ۇسىنىستاردى تٷزەتۋ پەداگوگيكاسى ۇلتتىق عىلىمي-پراكتيكالىق ورتالىعىنىڭ ديرەكتورى رايگٷل ايتجانوۆا تانىستىردى.
«رەسمي ستاتيستيكا بويىنشا ەلٸمٸزدە 161 156 بالا ارنايى بٸلٸمدٸ قاجەت ەتەدٸ. بۇل ساناتقا كٶزٸ ناشار كٶرەتٸن جەنە زاعيپ بالالار (ەلٸمٸز بويىنشا 8 318 بالا), قۇلاعى ناشار ەستيتٸن 5 911 بالا, تٸرەك-قيمىل اپپاراتى بۇزىلعان 18 841 بالا, سٶيلەۋ قابٸلەتٸ بۇزىلعان 47 022 بالا, پسيحيكالىق دامۋى تەجەلگەن 50 826 بالا, اۋتيزممەن اۋىراتىن 5 193 بالا جەنە اقىل-وي كەمٸستٸگٸ بار 25 045 بالا كٸرەدٸ», - دەيدٸ مامان.
رەسپۋبليكا بويىنشا 420 ارنايى بٸلٸم بەرۋ ۇيىمى جۇمىس ٸستەيدٸ. ونىڭ ٸشٸندە 195 پسيحولوگييالىق-پەداگوگيكالىق تٷزەتۋ كابينەتٸ, 98 ارنايى مەكتەپ, 14 وڭالتۋ ورتالىعى جەنە 38 ارنايى مەكتەپكە دەيٸنگٸ ۇيىم, 75 پسيحولوگييالىق-مەديتسينالىق-پەداگوگيكالىق كونسۋلتاتسييا (پمپك) جۇمىس ٸستەيدٸ.
جاڭا 2020-2021 وقۋ جىلىندا ارنايى بٸلٸم بەرۋ ۇيىمدارىنا قاشىقتان, شتاتتىق جەنە جابىق رەجيمدە جۇمىس ٸستەۋ ۇسىنىلىپ وتىر.
«ەلدە قاتاڭ كارانتين رەجيمٸ ورناسا, ارنايى بٸلٸم بەرۋ ۇيىمدارىندا قاشىقتان وقىتۋ فورماتى ۇسىنىلادى. ارنايى بالاباقشالار جۇمىسىن ٶڭٸردەگٸ باس سانيتارلىق دەرٸگەر شەشٸمٸمەن جالپى تيپتەگٸ بالاباقشالار سەكٸلدٸ كەزەكشٸ توپتاردى ۇيىمداستىرۋ ارقىلى جالعاستىرۋعا بولادى. پسيحولوگييالىق-مەديتسينالىق-پەداگوگيكالىق كونسۋلتاتسييالار, پسيحولوگييالىق-پەداگوگيكالىق تٷزەتۋ كابينەتتەرٸ جەنە وڭالتۋ ورتالىقتارى شتاتتىق رەجيمدە قاشىقتىق تەحنولوگييالاردى قولدانۋ ارقىلى جۇمىس ٸستەيدٸ. ال جابىق رەجيم ٶڭٸردەگٸ باس سانيتارلىق دەرٸگەر شەشٸمٸمەن ارنايى مەكتەپ-ينتەرناتتارعا ەنگٸزٸلەدٸ. جابىق رەجيم اقىل-وي كەمٸستٸگٸ بار بالالاردى وقىتۋعا ۇسىنىلادى, ٶيتكەنٸ ولار قاشىقتان جٸبەرٸلگەن ماتەريالدى قابىلداي المايدى», - دەپ تٷسٸندٸردٸ رايگٷل ايتجانوۆا.
قر بعم حابارلاۋىنشا, ارنايى بٸلٸم بەرۋ ۇيىمدارى وقىتۋ فورماتىن اتا-انالارمەن كەلٸسە وتىرىپ, ٶزدەرٸ تاڭدايدى.
