قازاقستاندىقتار مەسسەندجەرلەردە ەل ايماقتارىندا 14 جەلتوقساننان باستاپ كارانتين ەنگٸزٸلٸپ, بلوكبەكەتتەر قويىلاتىنى تۋرالى جالعان اقپارات تاراۋدا, دەپ حابارلايدى stopfake.kz.
«حابارلاما قر پرەمەر-مينيسترٸنٸڭ اتىنان وبلىس ەكٸمدەرٸنە جولدانعان قۇجاتتىڭ فوتوسۋرەتٸ تٷرٸندە ۇسىنىلعان. بۇل – فەيك» دەپ جازادى سايت.
قر پرەمەر-مينيسترٸنٸڭ باسپاسٶز قىزمەتٸ بۇل اقپاراتتى رەسمي تٷردە جوققا شىعاردى:
«بۇل حابارلاما شىندىققا جاناسپايدى, قۇجاتتىڭ فوتوسۋرەتٸ – فەيك. قازاقستاننىڭ ايماقتارى مەن قالالارىندا بلوكبەكەتتەر ورناتىپ, 14 جەلتوقساننان باستاپ قوزعالىستى شەكتەي وتىرىپ, قاتاڭ لوكداۋن ەنگٸزۋ جوسپاردا جوق. قازاقستاندىقتاردى رەسمي دەرەككٶزدەردەن الىنعان اقپاراتقا عانا سەنۋگە شاقىرامىز» دەلٸنگەن باسپاسٶز قىزمەتٸنٸڭ حابارلاماسىندا.
