2019 جىلدىڭ 1 قاڭتارىندا قازاقستاندا حالىق سانى 18 ملن 395,7 مىڭ ادام بولدى. بۇل ٶتكەن جىلدىڭ 1 قاڭتارىمەن سالىستىرعاندا 238,6 مىڭ ادامعا كٶپ نەمەسە 1,3 پايىزعا ٶسكەن, دەپ حابارلايدى قر ۇلتتىق ەكونوميكا مينيسترلٸگٸنٸڭ ستاتيستيكا اگەنتتٸگٸ.
اتاپ ايتقاندا, ەسەپتٸك كەزەڭدە قالا تۇرعىندارىنىڭ سانى 10 ملن 638,7 مىڭ ادام نەمەسە 57,8 پروتسەنت, ال اۋىل حالقىنىڭ سانى 7 ملن 757 مىڭ ادام نەمەسە 42,2 پروتسەنت بولدى.
2018 جىلعى قاڭتار-جەلتوقسان ارالىعىندا رەسپۋبليكادا 1 جاسقا دەيٸنگٸ 3156 نەرەستە ٶلٸمٸ تٸركەلدٸ. 2017 جىلعى قاڭتار-جەلتوقسانىمەن سالىستىرعاندا 1 جاسقا دەيٸنگٸ شەتٸنەگەن نەرەستە سانى 0,2 پايىزعا كٶپ.
نەرەستە ٶلٸم-جٸتٸمٸنٸڭ نەگٸزگٸ سەبەبٸ - پەريناتالدىق كەزەڭدە پايدا بولاتىن جاعدايلار, 2018 جىلعى قاڭتار-جەلتوقسان ارالىعىندا 1617 نەرەستە قايتىس بولىپ, نەرەستەلەر اراسىنداعى جالپى ٶلٸم سانىنىڭ 51,1 پايىزىن قۇرادى. تۋا بٸتكەن اۋىتقۋلاردان 625 نەمەسە 19,8%, تىنىس ورگاندارى اۋرۋلارىنان - 197 نەمەسە 6,2%, جازاتايىم جاعدايدان, ۋلانۋدان جەنە جاراقاتتان - 150 نەمەسە 4,8% نەرەستە قايتىس بولدى.
2018 جىلدىڭ قاڭتار-جەلتوقسان ايلارى ارالىعىندا ەلٸمٸزگە كٶشٸپ كەلگەندەر سانى 2017 جىلعى كٶرسەتكٸشتەن 20,5 پايىز ازايىپ, قونىس اۋدارعاندار سانى 11,1 پايىزدى قۇرادى. نەگٸزگٸ ميگراتسييالىق كٶشٸ-قون تمد ەلدەرٸ بويىنشا ٶتٸپ جاتىر. تمد ەلدەرٸنەن كەلگەن ادامدار ٷلەسٸ 78,9 پايىز, كٶشٸپ كەتكەندەر ٷلەسٸ - 90,1 پايىز بولدى.
