2019 jyldyń 1 qańtarynda Qazaqstanda halyq sany 18 mln 395,7 myń adam boldy. Bul ótken jyldyń 1 qańtarymen salystyrǵanda 238,6 myń adamǵa kóp nemese 1,3 paiyzǵa ósken, dep habarlaidy QR Ulttyq ekonomika ministrliginiń Statistika agenttigi.
Atap aitqanda, eseptik kezeńde qala turǵyndarynyń sany 10 mln 638,7 myń adam nemese 57,8 protsent, al aýyl halqynyń sany 7 mln 757 myń adam nemese 42,2 protsent boldy.
2018 jylǵy qańtar-jeltoqsan aralyǵynda respýblikada 1 jasqa deiingi 3156 náreste ólimi tirkeldi. 2017 jylǵy qańtar-jeltoqsanymen salystyrǵanda 1 jasqa deiingi shetinegen náreste sany 0,2 paiyzǵa kóp.
Náreste ólim-jitiminiń negizgi sebebi - perinataldyq kezeńde paida bolatyn jaǵdailar, 2018 jylǵy qańtar-jeltoqsan aralyǵynda 1617 náreste qaitys bolyp, náresteler arasyndaǵy jalpy ólim sanynyń 51,1 paiyzyn qurady. Týa bitken aýytqýlardan 625 nemese 19,8%, tynys organdary aýrýlarynan - 197 nemese 6,2%, jazataiym jaǵdaidan, ýlanýdan jáne jaraqattan - 150 nemese 4,8% náreste qaitys boldy.
2018 jyldyń qańtar-jeltoqsan ailary aralyǵynda elimizge kóship kelgender sany 2017 jylǵy kórsetkishten 20,5 paiyz azaiyp, qonys aýdarǵandar sany 11,1 paiyzdy qurady. Negizgi migratsiialyq kóshi-qon TMD elderi boiynsha ótip jatyr. TMD elderinen kelgen adamdar úlesi 78,9 paiyz, kóship ketkender úlesi - 90,1 paiyz boldy.
