قازاقستاندا 24 قاڭتاردا پتر تەستٸ وڭ شىققان 1 480 ادام تٸركەلدٸ. 16 ادامنىڭ كوروناۆيرۋس پنەۆمونيياسىنا شالدىققانى انىقتالعان. بۇل تۋرالى دەنساۋلىق ساقتاۋ مينيسترلٸگٸنٸڭ 25 قاڭتار كٷنگٸ حابارلاماسىندا جازىلعان. ٶتكەن تەۋلٸكتە 11 ادام ٶلٸمٸ تٸركەلگەن: 8 ناۋقاس - كوروناۆيرۋستان, 3 ادام كوروناۆيرۋس پنەۆمونيياسىنان قايتىس بولعانى حابارلاندى.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, قازاقستاندا ناۋرىز ايىنان بەرٸ 178 454 ادامنىڭ پتر تەستٸ وڭ شىققان. 160 مىڭنان استامى جازىلعان. 2 480 ادام كوروناۆيرۋس قايتىس بولعان.
قازاقستان بيلٸگٸ 1 تامىزدان بەرٸ پنەۆمونييانىڭ Covid-كە ۇقساس تٷرٸنە جەكە كود بەرٸپ, بٶلەك تٸركەپ كەلەدٸ. سودان بەرٸ 47 437 ادام كوروناۆيرۋس پنەۆمونيياسىنا شالدىققان. 555 ادام قايتىس بولعان. 35 مىڭنان استامى جازىلعان.
24 قاڭتاردا اقمولا وبلىسى (219), پاۆلودار وبلىسى (217) مەن نۇر-سۇلتاندا (211) 200-دەن استام ناۋقاس انىقتالعان. قوستاناي وبلىسىندا - 137, الماتىدا - 135, سولتٷستٸك قازاقستان وبلىسىندا - 107, اتىراۋ وبلىسىندا - 101, باتىس قازاقستان وبلىسىندا - 89, قاراعاندى وبلىسىندا - 82, الماتى وبلىسىندا - 79, شىعىس قازاقستان وبلىسىندا - 31, جامبىل وبلىسىندا - 18, تٷركٸستان وبلىسىندا - 16, ماڭعىستاۋ وبلىسىندا - 11, شىمكەنت قالاسىندا - 9, اقتٶبە وبلىسىندا - 9, قىزىلوردا وبلىسىندا 9 ادامنان كوروناۆيرۋس انىقتالعان.
قازٸر 27 360 ادام كوروناۆيرۋستان ەمدەلٸپ جاتىر. 15 661-ٸنٸڭ پتر-تەستٸ وڭ شىققان. 311 ادامنىڭ جاعدايى اۋىر, 43 ناۋقاستىڭ حەلٸ ٶتە اۋىر. 42 ادام جاساندى تىنىس اپپاراتىنا قوسىلعان.
دجونس حوپكينس ۋنيۆەرسيتەتٸنٸڭ مەلٸمەتٸنشە, ەلەمدە Covid-كە شالدىققان ادام سانى 99,1 ميلليوننان استى. 2 ملن 128 مىڭنان استام ناۋقاس قايتىس بولدى. 54,693 ميلليونننان استامى اۋرۋدان جازىلعان.
