قازاقستان جاستارىنىڭ 60% استامى جاڭالىقتار مەن وقيعالاردى ەلەۋمەتتٸك جەلٸلەر مەن بلوگتاردان بٸلەدٸ. بۇل تۋرالى قر اقپارات جەنە قوعامدىق دامۋ مينيسترٸ ايدا بالاەۆا ايتىپ بەردٸ, دەپ حابارلايدى "ۇلت اقپارات".
مينيستر جىل سايىن «قازاقستان جاستارى» ۇلتتىق بايانداماسىن ەزٸرلەيتٸندەرٸن اتاپ ٶتتٸ. وندا تٷرلٸ سالاداعى جاستاردىڭ جاعدايىنا تالداۋ, جاستار ساياساتى سالاسىنداعى زەرتتەۋلەر قورىتىندىسى جەنە مەملەكەتتٸك ورگاندار مەن ازاماتتىق قوعام ينستيتۋتتارىنا ارنالعان ۇسىنىستار قامتىلادى.
«ينتەرنەتتٸڭ كەڭٸنەن تارالۋى اقپاراتتىڭ بالامالى ارنالارىنىڭ دامۋىنا ىقپال ەتەدٸ. بٸر قىزىعى بۇل جاعىنان ەلەۋمەتتٸك جەلٸلەر مەن بلوگتار قاتتى تانىمال: جاستاردىڭ 60%-تەن استامى قازاقستانداعى جاڭالىقتار مەن وقيعالار جايلى سودان بٸلەدٸ ەكەن. 33,3%-ٸ قازاقستاندىق ينتەرنەت رەسۋرستاردى, 39,1% - قازاقستاندىق رەسپۋبليكالىق ارنالاردى, 11,3 % - ٶڭٸرلٸك كانالداردى قارايدى. وسىلايشا, ەلدەگٸ وقيعالاردان حاباردار بولىپ وتىرادى, اقپاراتتىق كەڭٸستٸكتە ينتەرنەتتٸڭ, ەسٸرەسە ەلەۋمەتتٸك جەلٸلەر مەن بلوگتاردىڭ ماڭىزى زور», - دەدٸ مينيستر «Sputnik قازاقستان» پورتالىنداعى سۇحباتىندا.
سونىمەن بٸرگە اقپارات مينيسترٸ جاستاردىڭ رەسمي دەرەككٶزدەردەن ماڭىزدى ەرٸ دۇرىس اقپارات الۋى ٷشٸن قانداي شارالار اتقارىلعانىن ايتىپ بەردٸ.
«بۇل بٸز ٷشٸن ٶتە ٶزەكتٸ مەسەلە جەنە ول جاستارعا عانا ەمەس, بارشا حالىققا قاتىستى. ٶتكەن جىلى جازدىڭ سوڭىندا رەسمي اقپاراتتى جەتكٸزۋگە باعىتتالعان ٷش جوبانى ٸسكە قوستىق: جالعان اقپاراتتى رەسمي تٷردە جەدەل جوققا شىعارۋ, مەملەكەتتٸك باعدارلامالار تۋرالى مەلٸمەت بەرۋ جەنە مەملەكەتتٸڭ قوعامنىڭ ەلجۋاز توپتارىنا, جاستارعا كٶرسەتەتٸن قولداۋى مەن جەڭٸلدٸكتەرٸن, مەملەكەتتٸك ساياساتتى تٷسٸندٸرۋ», - دەيدٸ ۆەدومستۆو باسشىسى.
بٸرٸنشٸ مەسەلە بويىنشا stopfake.kz سايتى اشىلدى, ونىڭ كٶمەگٸمەن رەسمي ورگاندار 1300-دەن استام فەيكتٸ تەرٸسكە شىعاردى.
ەكٸنشٸ باعىت بويىنشا – gosprogram.kz مەملەكەتتٸك باعدارلامالار پورتالى ٸسكە قوسىلعان. وندا بارلىق مەملەكەتتٸك باعدارلامانىڭ مەنٸ قىسقا ەرٸ نۇسقا, ينفوگرافيكا تٷرٸندە تٷسٸندٸرٸلٸپ, وعان قاتىسۋ, كرەديت الۋ, مەملەكەتتٸك باعدارلاما اياسىندا وقۋ شارتتارى جايلى گرافيكالىق, مەتٸندٸك, اۋديو جەنە ۆيدەونۇسقاۋلىقتار دا ۇسىنىلادى.
مەملەكەتتٸك جەنە جەرگٸلٸكتٸ اقپاراتتىق ورگانداردىڭ جۇمىسى تۋرالى رەسمي اقپاراتتى, پرەزيدەنت جولداۋىن, رەسمي مەلٸمدەمەلەر مەن باسپاسٶز حابارلامالارىن تٷسٸندٸرۋ ٷشٸن gossmi.kz – مەملەكەتتٸك باق پورتالى جۇمىس ٸستەيدٸ.
«الايدا بۇل – رەسمي اقپارات الۋعا بولاتىن اقپاراتتىق رەسۋرستار عانا, مۇندا ەلەۋمەتتٸك جەلٸلەردە وتىرۋ فاكتورى دا ٶتە قاجەت. بٷگٸندە كٶپتەگەن ۆەدومستۆو مەن ولاردىڭ بٸرٸنشٸ باسشىلارىندا, تٸپتٸ مەملەكەت باسشىسىندا ەلەۋمەتتٸك جەلٸلەردە بەلسەندٸ پاراقشالارى بار. سونىڭ ارقاسىندا حالىق رەسمي اقپاراتتى بٸرٸنشٸ باسشىنىڭ ٶز اۋزىنان ەستيدٸ, انونيمدٸ پابليكتەر مەن باسقا دا كٷمەندٸ دەرەككٶزدەرگە ەرٸپ كەتپەيدٸ. بۇل تۇرعىدا بٸرٸنشٸ باسشىلاردىڭ قاراپايىم حالىققا اشىق بولۋى ٶتە ماڭىزدى جەنە ساياسي يستەبليشمەنتتٸڭ جاڭا بۋىنىن تەربيەلەۋگە ٶزدەرٸ ٷلگٸ ەتٸپ كٶرسەتۋٸ كەرەك», - دەيدٸ ايدا بالاەۆا.
