پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە كاسپيي تەڭٸزٸندە قىزمەتتٸ جٷزەگە اسىرۋعا بايلانىستى مەسەلەلەر بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى قازاقپارات.
زاڭ جوباسىنىڭ نەگٸزگٸ ماقساتى - كاسپيي تەڭٸزٸنٸڭ قۇقىقتىق مەرتەبەسٸ تۋرالى كونۆەنتسييانىڭ ەرەجەلەرٸن قازاقستان رەسپۋبليكاسىنىڭ بٸرقاتار زاڭنامالىق اكتٸلەرٸنە ەنگٸزۋ.
«2018 جىلعى 12 تامىزدا بەسٸنشٸ كاسپيي سامميتٸ بارىسىندا قول قويىلعان كاسپيي تەڭٸزٸنٸڭ قۇقىقتىق مەرتەبەسٸ تۋرالى كونۆەنتسييانى قازاقستان 2019 جىلعى 8 اقپاندا راتيفيكاتسييالادى. كونۆەنتسييا قۇقىقتىق رەتتەۋدٸ قاجەت ەتەتٸن ەربٸر مەسەلە بويىنشا تاباندى ەرٸ قاعيداتتى پٸكٸر-تالاستارمەن قوسا, 20 جىلدان استام ۋاقىت العان ۇزاق جەنە كٷردەلٸ كەلٸسسٶزدەر ٷدەرٸسٸنٸڭ نەتيجەسٸ بولدى. كاسپيي جاعالاۋى مەملەكەتتەرٸ اكۆاتورييانى ەرتٷرلٸ رەجيمگە, اۋماقتارعا, ٸشكٸ سۋلارعا, ەنٸ 15 تەڭٸز ميلٸ بولاتىن اۋماقتىق سۋلارعا, 10 ميلدٸك بالىق اۋلاۋ جەنە ورتاق تەڭٸز كەڭٸستٸگٸنە بٶلۋ تۋرالى كونسەنسۋسقا قول جەتكٸزدٸ», - دەدٸ قر سىرتقى ٸستەر مينيسترٸ مۇحتار تٸلەۋبەردٸ.
ونىڭ ايتۋىنشا, قازاقستان زاڭناماسىن كونۆەنتسييانىڭ ەرەجەلەرٸنە سەيكەستەندەرۋ ماقساتىندا اتالعان زاڭ جوباسى ەزٸرلەندٸ.
زاڭ جوباسىندا «بالىق اۋلاۋ ايماعى», «بالىق اۋلاۋ ايماعىنىڭ رەجيمٸ» دەگەن ۇعىمدار ەنگٸزٸلٸپ وتىر, سونداي-اق بالىق اۋلاۋ ايماعىندا سۋ بيولوگييالىق رەسۋرستارىنا كەسٸپشٸلٸك جٷرگٸزۋگە قازاقستان رەسپۋبليكاسىنىڭ ايرىقشا قۇقىقتارىنىڭ ساقتالۋىن باقىلاۋ جٶنٸندەگٸ مەملەكەتتٸك ورگانداردىڭ قۇزىرەتٸ جەنە ولاردىڭ ٶزارا ٸس-قيمىل جاساۋ تەرتٸبٸ بەكٸتٸلەدٸ.
كونۆەنتسييانىڭ ەرەجەلەرٸن ەسكەرە وتىرىپ, قولدانىستاعى «اۋماقتىق سۋلار ەنٸنٸڭ ەسەبٸ ٷشٸن باستاپقى سىزىق», «اۋماقتىق سۋلار», «قازاقستان رەسپۋبليكاسىنىڭ شەكارالىق كەڭٸستٸگٸ» دەگەن ۇعىمدارعا ٶزگەرٸستەر ەنگٸزٸلۋدە.
