قازاقستان يادرولىق سىناقتارعا جان-جاقتى تىيىم سالۋ تۋرالى شارت ۇيىمىنىڭ دايىندىق كوميسسيياسىنىڭ جۇمىس توبىن باسقاردى, دەپ حابارلايدى "ۇلت اقپارات" ەنەرگەتيكا مينيسترلٸگٸنە سٸلتەمە جاساپ.
حالىقارالىق قوعامداستىق قازاقستاننىڭ جاپپاي قىرىپ-جويۋ قارۋىن تاراتپاۋ رەجيمٸن نىعايتۋعا قوسقان ٷلەسٸن مويىنداي وتىرىپ, قازاقستان رەسپۋبليكاسى ۇلتتىق يادرولىق ورتالىعىنىڭ باس ديرەكتورى ەرلان باتىربەكوۆتٸ يادرولىق سىناقتارعا جان-جاقتى تىيىم سالۋ تۋرالى شارت ۇيىمىنىڭ (ياسجتشۇ) دايىندىق كوميسسيياسى جۇمىس توبىنىڭ تٶراعاسى ەتٸپ سايلادى. تاعايىنداۋ رەسٸمٸ ەلەمنٸڭ 150-دەن استام ەلٸنٸڭ ٶكٸلدەرٸنٸڭ قاتىسۋىمەن ونلاين رەجيمدە ٶتكٸزٸلدٸ.
ەستەرٸڭٸزگە سالا كەتەيٸك, ياسجتشۇ يادرولىق سىناقتارعا جان-جاقتى تىيىم سالۋ تۋرالى شارتتىڭ ساقتالۋىن باقىلاۋدى جٷزەگە اسىراتىن حالىقارالىق ۇيىم.
«ياسجتشۇ-نىڭ جۇمىس توبىنا تٶراعالىق ەتۋ ەلٸمٸزدٸڭ جاپپاي قىرىپ-جويۋ قارۋىن تاراتپاۋ رەجيمٸن نىعايتۋعا بەت العان باعىتىنا بەرٸلگەن جوعارى باعا ەكەنٸ سٶزسٸز», – دەدٸ ەرلان باتىربەكوۆ.
تەۋەلسٸزدٸك جىلدارىندا قازاقستان ەلەمدەگٸ قۋاتى جاعىنان تٶرتٸنشٸ ورىنداعى يادرولىق ارسەنالدان باس تارتىپ, يادرولىق قارۋ سىناقتارىنىڭ ينفراقۇرىلىمى مەن سالدارىن جويۋ بويىنشا كەڭ اۋقىمدى قىزمەت جٷرگٸزدٸ, جاھاندىق قاۋٸپ-قاتەردٸ ازايتۋ, جاپپاي قىرىپ-جويۋ قارۋىن تاراتپاۋ رەجيمٸن نىعايتۋ جۇمىستارىن جٷرگٸزۋدە بٸرەگەي تەجٸريبە جيناقتادى.
قازاقستان ياسجتشۇ-عا ەلەۋلٸ قولداۋ كٶرسەتٸپ, ونىڭ ماقساتتارىنا قول جەتكٸزۋدە تاباندىلىق تانىتتى. مەسەلەن, ۇلتتىق يادرولىق ورتالىق پەن ياسجتشۇ-نىڭ حالىقارالىق مونيتورينگ جٷيەسٸن – حمج قۇرۋ تۇرعىسىنداعى بەلسەندٸ ىنتىماقتاستىعى بايقالادى. اتاپ ايتقاندا, قر ۇلتتىق يادرولىق ورتالىعىنىڭ جەدەل باسقارۋىمەن تٶرت سەيسميكالىق جەنە بٸر ينفرادىبىستىق حمج ستانماسى, سونداي-اق قازاقستان ۇلتتىق دەرەكتەر ورتالىعى – KNDC جۇمىس ٸستەيدٸ. قازٸرگٸ ۋاقىتتا ورتالىق ازييادا العاشقى اسىل گازداردى راديونۋكليدتٸك مونيتورينگٸلەۋ ستانساسى قۇرىلىپ جاتىر.
قازاقستاننىڭ ياسجتشۇ دايىندىق كوميسسيياسىنىڭ جۇمىسىنا توپ تٶراعاسى رەتٸندە قاتىسۋى قازاقستاننىڭ بٸرەگەي تەجٸريبەسٸن, جيناقتالعان جەنە ۋاقىتپەن تەكسەرٸلگەن جاھاندىق قاۋٸپ-قاتەردٸ تٶمەندەتۋ ەدٸستەرٸن تاراتۋعا جاقسى مٷمكٸندٸك. بۇل ەلٸمٸزدٸڭ يادرولىق سىناقتارعا جالپىعا بٸردەي تىيىم سالۋ پروتسەسٸنە قوسقان كەزەكتٸ ماڭىزدى ٷلەسٸ بولماق.
ايتا كەتەرلٸگٸ, بيىل سەمەي يادرولىق سىناق پوليگونىنىڭ جابىلۋىنا 30 جىل تولادى. وسىدان تۋرا 30 جىل بۇرىن قر تۇڭعىش پرەزيدەنتٸ – ەلباسى نۇرسۇلتان نازارباەۆ ٶتە ماڭىزدى تاريحي قۇجاتقا – سەمەي يادرولىق سىناق پوليگونىن جابۋ تۋرالى جارلىققا قول قويدى.
بٸزدٸڭ ەلٸمٸز تمد ەلدەرٸ اراسىندا العاشقىلاردىڭ بٸرٸ بولىپ 1996 جىلى حالىقارالىق قاۋٸپسٸزدٸك پەن يادرولىق قارۋدى تاراتپاۋ جٷيەسٸندەگٸ ٸرگەتاسىنىڭ بٸرٸ بولىپ تابىلاتىن يادرولىق سىناقتارعا جان-جاقتى تىيىم سالۋ تۋرالى شارتقا قوسىلدى.
