قر سٸم باسپاسٶز قىزمەتٸ
قازاقستان ۆيزاسىز ەلدەر تٸزٸمٸن 80 مەملەكەتكە دەيٸن كەڭەيتتٸ. بۇل تۋرالى قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ ايتتى, دەپ حابارلايدى قازاقپارات اگەنتتٸگٸ.
«2022 جىلى ۆيزاسىز ەلدەردٸڭ تٸزٸمٸ پاسپورتتاردىڭ ەرتٷرلٸ ساناتتارى بويىنشا 80 مەملەكەتكە دەيٸن كەڭەيتٸلدٸ. ونىڭ ٸشٸندە جالپى ازاماتتىق پاسپورتتار ٷشٸن - 26 مەملەكەت. پاسپورتتاردىڭ ەرتٷرلٸ ساناتتارى بويىنشا 9 جاڭا ەلمەن ٶزارا كەلٸسٸمدەر جاسالدى: مالديۆ ارالدارى, اندوررا, نيكاراگۋا, ۆەنەسۋەلا, بوليۆييا, پاراگۆاي, دومينيكانا, البانييا جەنە بەليز», - دەدٸ ول مينيسترلٸكتٸڭ وسى جىلعى جۇمىسىن قورىتىندىلاۋعا ارنالعان باسپاسٶز مەسليحاتىندا.
مۇنان بٶلەك, ونىڭ ايتۋىنشا, وسى جىلدىڭ 12 قازانىندا قاتارمەن ديپلوماتييالىق جەنە ارنايى پاسپورتتاردىڭ يەلەرٸ ٷشٸن ۆيزالاردان ٶزارا بوساتۋ تۋرالى ٷكٸمەتارالىق كەلٸسٸمگە ٶزگەرٸستەر ەنگٸزۋ تۋرالى حاتتاماعا قول قويىلدى. ول جالپى ازاماتتىق پاسپورتتاردىڭ يەلەرٸن ۆيزالىق تالاپتاردان بوساتادى.
«قولايلى ينۆەستيتسييالىق احۋالدى قۇرۋ, ٸسكەرلٸك بايلانىستاردى جانداندىرۋ جەنە ەلدٸڭ تۋريستٸك ەلەۋەتٸن ارتتىرۋ ٷشٸن قر ٷكٸمەتٸ يران يسلام رەسپۋبليكاسىنىڭ, قىتاي حالىق رەسپۋبليكاسىنىڭ جەنە ٷندٸستان رەسپۋبليكاسىنىڭ ازاماتتارى ٷشٸن ۆيزاسىز رەجيم ەنگٸزدٸ. بۇل وسى ەلدەردٸڭ ازاماتتارىنا قازاقستان اۋماعىندا 14 كٷنگە دەيٸن بولۋعا مٷمكٸندٸك بەرەدٸ», - دەدٸ ايبەك سماديياروۆ.
