گۋمانيتارلىق قىزمەت – قازاقستاننىڭ سىرتقى ساياسي ستراتەگيياسىنىڭ ماڭىزدى باعىتى. ەلٸمٸز تٷرلٸ سەبەپتەرگە بايلانىستى كٷردەلٸ گۋمانيتارلىق جاعدايعا تاپ بولعان مەملەكەتتەردٸڭ حالقىنا ەرقاشان مٷمكٸندٸگٸنشە كٶمەك كٶرسەتۋگە ۇمتىلادى, دەپ حابارلايدى ٷكٸمەتتٸڭ باسپاسٶز قىزمەتٸ.
باسقا مەملەكەت رەسمي ٶتٸنٸش بٸلدٸرگەن جاعدايدا قازاقستان دەستٷرلٸ تٷردە گۋمانيتارلىق كٶمەك كٶرسەتەدٸ. ۋكراينا تاراپىنان وسىنداي ٶتٸنٸش تٷسكەننەن كەيٸن قاسىم-جومارت توقاەۆ ۋكراين حالقىنا گۋمانيتارلىق كٶمەك كٶرسەتۋ جٶنٸندە ناقتى تاپسىرما بەردٸ.
ٷكٸمەت جانىنداعى حالىقارالىق گۋمانيتارلىق كٶمەك كٶرسەتۋ مەسەلەلەرٸ جٶنٸندەگٸ كوميسسييا ۋكرايناعا جالپى قۇنى 2 251 445 اقش دوللارى بولاتىن 25 تٷرلٸ مەديتسينالىق دەرٸ-دەرمەك جٸبەرۋ تۋرالى شەشٸم قابىلدادى.
گۋمانيتارلىق كٶمەكتٸڭ سالماعى – 82 توننا. قازٸرگٸ ۋاقىتتا اتالعان جٷكتٸ مەجەلٸ جەرگە جەتكٸزۋ مەسەلەسٸ پىسىقتالۋدا. جٷكتٸ ۋكراينا اۋماعىنا تٸكەلەي جەتكٸزۋ مەسەلەسٸ قاۋٸپسٸزدٸك تۇرعىسىنان ٶتە قيىن بولىپ تۇر. وسىعان بايلانىستى قازاقستان ٷكٸمەتٸ ۋكرايناعا جٸبەرٸلگەن حالىقارالىق گۋمانيتارلىق كٶمەكتٸ الۋ جەنە بٶلۋ حابتارى ورنالاسقان كٶرشٸلەس مەملەكەتتەرمەن كەلٸسسٶز جٷرگٸزٸپ جاتىر.
ەسكە سالايىق, 7 ناۋرىزدا توقاەۆ گەرمانييا پرەزيدەنتٸ فرانك-ۆالتەر شتاينمايەرمەن تەلەفون ارقىلى سٶيلەسكەن بولاتىن. ەڭگٸمە بارىسىندا پرەزيدەنتتەر ۋكرايناداعى احۋال جٶنٸندە جان-جاقتى پٸكٸر الماستى. تەلەفون ارقىلى بولعان ەڭگٸمە بارىسىندا قاسىم-جومارت توقاەۆ قازاقستان ۋكراينا حالقىنا دەرٸ-دەرمەك جەنە باسقا دا قاجەتتٸ ازىق-تٷلٸك جاعىنان گۋمانيتارلىق كٶمەك كٶرسەتۋگە دايىن ەكەنٸن جەتكٸزگەن ەدٸ.
