قازاقستان, تٷرٸكمەنستان جەنە ٶزبەكستاننىڭ سىرتقى ٸستەر مينيسترلەرٸ ٷش مەملەكەتتٸڭ شەكارالارىنىڭ تٷيٸسۋ نٷكتەسٸ تۋرالى كەلٸسٸمشارتقا قول قويدى, دەپ حابارلايدى «قازاقپارات» حاا ٶزبەكستانداعى مەنشٸكتٸ تٸلشٸسٸ.
وعان قر سىرتقى ٸستەر مينيسترٸ قايرات ابدراحمانوۆ, مينيسترلەر كابينەتٸ تٶراعاسىنىڭ ورىنباسارى - تٷرٸكمەنستان سىرتقى ٸستەر مينيسترٸ راشيد مەرەدوۆ جەنە ٶزبەكستان سىرتقى ٸستەر مينيسترٸ ابدۋلازيز كاميلوۆ قاتىستى.
تٷيٸسۋ نٷكتەلەرٸ تۋرالى كەلٸسٸمشارتقا قول قويۋ قازاقستان, تٷرٸكمەنستان جەنە ٶزبەكستان اراسىنداعى مەملەكەتتٸك شەكارانىڭ حالىقارالىق-قۇقىقتىق رەسٸمدەۋ كەزەڭدەرٸنٸڭ بٸرٸن تولىقتاي اياقتاۋعا, ٶزارا سىيلاستىقتى, ەگەمەندٸك تەڭدٸكتٸ جەنە ٷش شەكارالاس مەملەكەتتٸڭ تەرريتورييالىق تۇتاستىعىن نىعايتۋعا مىقتى تٸرەۋ بولادى.
«قازاقستان پرەزيدەنتٸ نۇرسۇلتان نازارباەۆ تەۋەلسٸزدٸك العان العاشقى كٷننەن باستاپ مەملەكەتتٸك شەكارانى بەكٸتۋ مەسەلەسٸنە باسا نازار اۋداردى. بۇل جاۋاپتى مەملەكەتتٸك قۇرىلىستىڭ جەنە ەل قاۋٸپسٸزدٸگٸ مەسەلەسٸ. بٷگٸن قول قويىلعان ٷشجاقتى كەلٸسٸم ٷش مەملكەتتٸڭ شەكاراسىن قۇقىقتىق رەسٸمدەۋگە نٷكتە قوياتىندىقتان, ورتالىق ازييا ٷشٸن تاريحي جاعداي», - دەدٸ قازاقستان سىرتقى ٸستەر مينيسترٸ قايرات ابدراحمانوۆ قول قويۋ رەسٸمٸنەن كەيٸن.
