«قازاقستان تۇرعىن ٷي كومپانيياسى» اق باسقارما تٶراعاسىنىڭ ورىنباسارىنا قاتىستى قىلمىستىق ٸس سوتقا جولداندى. بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ ايتتى, دەپ حابارلايدى قازاقپارات.
«سىبايلاس جەمقورلىققا قارسى قىزمەت جەدەل تەرتٸپتە «قازاقستان تۇرعىن ٷي كومپانيياسى» اق باسقارما تٶراعاسىنىڭ ورىنباسارىنا قاتىستى قىلمىستىق ٸس سوتقا جولداندى. بۇل كومپانييا قازاقستاندا تۇرعىن ٷي قۇرىلىسىنىڭ بٸرىڭعاي وپەراتورى بولىپ سانالادى. ول جالپى مٷلٸكتٸ باسقارۋ بويىنشا ۇيىمنىڭ قىزمەت كٶرسەتكەنٸ تۋرالى اكتٸگە قول قويعانى ٷشٸن زاڭدى تۇلعا قۇرىلتايشىسىنان 2,4 ملن تەڭگە سوماسىندا پارا الۋ كٷدٸگٸنە ٸلٸكتٸ», - دەدٸ دانييار بەكايداروۆ Antikor ورتالىعىندا ٶتكەن بريفينگٸدە.
ونىڭ ايتۋىنشا, ونىڭ ايىپتىلىعان تۋرالى سوڭعى شەشٸمدٸ سوت ايقىندايدى. باسقا مەلٸمەتتەر تەرگەۋ مٷددەسٸنە بايلانىستى جارييالاۋعا جاتپايدى.
