كانادا ازاماتى كەرٸم باراتوۆ اقش-تا بەس جىلعا باس بوستاندىعىنان ايىرىلدى. 23 جاستاعى قازاقستان تۋماسى, سونداي-اق 250 مىڭ دوللار كٶلەمٸندە ايىپپۇل تٶلەۋگە مٸندەتتەلدٸ. بۇل تۋرالى كانادانىڭ CBC جاڭالىقتار اگەنتتٸگٸ حابارلادى.
بىلتىر باراتوۆ ايىپ تاعىلعان 9 تارماق بويىنشا ٶز كٸنەسٸن مويىندادى. وعان قاماۋعا الىنعانعا دەيٸن جەتٸ جىل بويى Yahoo ينتەرنەت-سەرۆيسٸ قولدانۋشىلارىنىڭ ەسەپ جازباسىن بۇزدى دەگەن ايىپ تاعىلدى.
كانادالىق حاكەر مەن ونىڭ بٸرنەشە سىبايلاسى رەسەي ارنايى قىزمەتٸنٸڭ تاپسىرىسىمەن ەسەپ جازبالارىن بۇزۋمەن اينالىسقان. باراتوۆتىڭ ادۆوكاتى ونىڭ كليەنتٸنٸڭ ناقتى كٸمگە جۇمىس ٸستەگەنٸن بٸلمەيتٸنٸن مەلٸم ەتتٸ.
العاشقىدا پروكۋراتۋرا باراتوۆتى 7 جىل ون ايعا باس بوستاندىعىنان ايىرۋدى سۇرادى. باراتوۆتىڭ ادۆوكاتتارى جازالاۋ مەرزٸمٸن 3 جىل ون ايعا قىسقارتۋعا تىرىستى.
ولار باراتوۆتىڭ Yahoo قولدانۋشىلارى ەسەپ جازبالارىن بۇزعاندا 19 جاستا ەكەندٸگٸن, بۇل قىلمىسقا ەۋەستٸكپەن بارعاندىعىنا سەندٸردٸ.
ونىڭ ادۆوكاتتارى ەندريۋ مانچيللا مەن روبەرت فەنتون سوتتا كليەنتٸنٸڭ ەشكٸمگە زييان كەلتٸرگٸسٸ كەلمەگەندٸگٸن, ٸستەگەن ەرەكەتٸنە ٶكٸنەتٸنٸن مەلٸمدەدٸ.
دەرەكتەر بويىنشا, باراتوۆ 2010 جىلدان بەرٸ 11 مىڭنان استام قولدانۋشىنىڭ ەسەپ جازباسىن بۇزىپ, ولاردىڭ جەكە دەرەكتەرٸن ساتۋمەن اينالىسقان. ولاردىڭ ٸشٸندە مەملەكەتتٸك قىزمەتشٸلەر, ديپلوماتتار, قارجى قۇرىلىمدارىنىڭ قىزمەتكەرلەرٸ, كوممەرتسييالىق كومپانييالاردىڭ اككاۋنتتارى بار.
باراتوۆ تۇتقىندالعان كەزدە كانادانىڭ ونتاريو پروۆينتسيياسىندا انكاستەرا قالاسىنىڭ سىرتىنداعى قۇنى 650 مىڭ دوللار تۇراتىن ٷيدە تۇرعان. ول قىمبات كٶلٸكتەردٸ تٸزگٸندەگەن. ونىڭ كوللەكتسيياسىندا Lamborghini, Porsche, Aston Martin, Mercedes جەنە BMW ماركالى كٶلٸكتەر بولعان. جاس جٸگٸت ەلەۋمەتتٸك جەلٸگە جٷز دوللارلىق اقشا بۋمالارىن ۇستاپ تٷسكەن سۋرەتتەرٸن سالعان.
23 جاستاعى قازاقستان تۋماسى 2017 جىلدىڭ تامىزىندا ٶز كٸنەسٸن تولىقتاي مويىندادى. بۇعان دەيٸن ول ٶزٸنە تاعىلعان ايىپتى تەرٸسكە شىعارىپ, كانادادان اقش-قا ەكستراديتسييالانۋدان باس تارتقان ەدٸ.
