پرەزيدەنتتٸڭ تٶراعالىعىمەن ەلٸمٸزدٸڭ كٶلٸك-ترانزيتتٸك ەلەۋەتٸن دامىتۋ جٶنٸندە كەڭەس ٶتتٸ. جيىنعا ٷكٸمەت باسشىلىعى, سالالىق مينيسترلٸكتەر مەن ۆەدومستۆولاردىڭ, ۇلتتىق كومپانييالاردىڭ باسشىلارى قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ كٶلٸك-لوگيستيكا سالاسىنىڭ قازاقستان ەكونوميكاسىندا ەرەكشە رٶل اتقاراتىنىن اتاپ ٶتتٸ. ونىڭ ايتۋىنشا, ٶڭٸرلەردٸڭ ٶزارا قارىم-قاتىناسىن جانداندىرۋ ٷشٸن بۇل سالانىڭ ماڭىزى زور. دەگەنمەن, گەوساياسي جاعداي مەن سانكتسييالىق تەكەتٸرەس دەستٷرلٸ كٶلٸك-لوگيستيكا جەلٸسٸن ٶزگەرٸسكە ۇشىراتتى.
جيىن بارىسىندا قارىم-قاتىناستار مەن جٷك جەتكٸزەتٸن بالاما باعىتتاردى, سونداي-اق تاسىمالداۋ ٸسٸن ەرتاراپتاندىرۋدى پىسىقتاۋ قاجەتتٸگٸ ايتىلدى.
پرەزيدەنتتٸڭ پٸكٸرٸنشە, وتاندىق ٶنٸمنٸڭ ەكسپورتقا قاۋٸپسٸز ەرٸ ٷزدٸكسٸز شىعارىلۋىن قامتاماسىز ەتۋ ٷشٸن كەشەندٸ شارالار قابىلداۋ قاجەت. مەملەكەت باسشىسى ەلٸمٸزدٸڭ ورتالىق ازييا ايماعىنداعى كٶشباسشىلىعىن ساقتاپ, قازاقستاندى سەنٸمدٸ ترانزيتتٸك حاب رەتٸندە دامىتۋ كەرەك ەكەنٸن ايتتى. وسى ماقساتتا بالاما تەمٸرجول باعىتتارىن قالىپتاستىرۋ قاجەت. بۇل جەردە دوستىق – مويىنتى, باقتى – اياگٶز, ماقتاارال – داربازا جوبالارىن جٷزەگە اسىرۋ, الماتى قالاسىن اينالىپ ٶتەتٸن تەمٸرجول جەلٸسٸن سالۋ جٶنٸندە سٶز بولىپ وتىر.
قاسىم-جومارت توقاەۆ تەمٸرجول پاركٸنٸڭ جۇمىسىن جانداندىرۋ جەنە جولدارعا كٷردەلٸ جٶندەۋ جٷرگٸزۋ جٶنٸندە شارالار قابىلداۋدى تاپسىردى.
– وتاندىق تەمٸرجول سالاسىندا ماشينا جاساۋ ٸسٸن دامىتۋعا باسا مەن بەرۋ قاجەت. ونىڭ العىشارتتارى بار. قازاقستاندىق ٶندٸرۋشٸلەردٸ بەلسەندٸ تٷردە قولداۋ كەرەك, – دەدٸ مەملەكەت باسشىسى.
قاسىم-جومارت توقاەۆ «قازاقستان تەمٸر جولى» ۇلتتىق كومپانيياسىن تولىقتاي جاڭعىرتۋ قاجەت دەپ ەسەپتەيدٸ.
– «قازاقستان تەمٸر جولىن» ۇلتتىق كٶلٸك-لوگيستيكا كومپانيياسى رەتٸندە ترانسفورماتسييالايتىن ۋاقىت كەلدٸ دەپ ويلايمىن. بۇل قتج-نىڭ مانداتى مەن مٸندەتتەرٸن كەڭەيتۋگە, كومپانيياعا ەلٸمٸزدٸڭ كٶلٸك-ترانزيت ەلەۋەتٸن دامىتۋ جۇمىستارىن كەشەندٸ تٷردە جٷرگٸزۋگە مٷمكٸندٸك بەرەدٸ, – دەدٸ پرەزيدەنت.
پرەزيدەنت تەڭٸز ارقىلى تاسىمالداۋ ٸسٸن دامىتۋعا ەرەكشە نازار اۋداردى.
– قازاقستان تەڭٸز ارقىلى تاسىمالداۋ ەلەۋەتٸن تولىق پايدالانعان ەمەس. قازٸر زامان باسقا. ٷكٸمەتكە پورتتارىمىزدى كاسپيي تەڭٸزٸنٸڭ جەتەكشٸ حابتارىنىڭ بٸرٸنە اينالدىرا وتىرىپ, ترانسفورماتسييالاۋ جٶنٸندە ستراتەگييالىق مٸندەت جٷكتەدٸم. تەڭٸز فلوتىن نىعايتىپ, اقتاۋ پورتىندا كونتەينەرلٸك حاب قۇرۋ قاجەت دەگەن ۇسىنىسپەن تولىق كەلٸسەمٸن, – دەدٸ مەملەكەت باسشىسى.
قاسىم-جومارت توقاەۆ مۇناي تاسىمالداۋ ٸسٸن ەرتاراپتاندىرۋدى تاعى بٸر ماڭىزدى مٸندەت رەتٸندە اتاپ ٶتتٸ.
– ترانسكاسپيي باعدارى باسىم باعىت سانالادى. «قازمۇنايگازعا» ونى جٷزەگە اسىرۋدىڭ وڭتايلى نۇسقاسىن, سونىڭ ٸشٸندە تەڭٸز جوباسىنىڭ ينۆەستورلارىن تارتۋ مٷمكٸندٸگٸن پىسىقتاۋدى تاپسىرامىن. ٷكٸمەت «سامۇرىق-قازىنامەن» بٸرلەسٸپ, اتىراۋ – كەڭقيياق جەنە كەڭقيياق – قۇمكٶل مۇناي قۇبىرلارىنىڭ قۋاتىن ارتتىرۋ جٶنٸندە شارالار قابىلداۋى قاجەت, – دەدٸ پرەزيدەنت.
اۆتوجول ينفراقۇرىلىمىن دامىتۋ مەسەلەسٸ دە ماڭىزدى سالالاردىڭ بٸرٸ. مەملەكەت باسشىسىنىڭ ايتۋىنشا, ەڭ الدىمەن, قۇرىلىسى باستالعان ماگيسترالدى باعىتتارداعى (اقتٶبە – قاندىاعاش – ماقات, اتىراۋ – استراحان, الماتى – قاراعاندى جەنە تالدىقورعان – ٶسكەمەن) قايتا جاڭارتۋ جۇمىستارىن ۋاقىتىلى ەرٸ ساپالى اياقتاۋ قاجەت.
سونىمەن قاتار پرەزيدەنت بيۋدجەت قاراجاتىن تيٸمدٸ پايدالانۋ جەنە وتاندىق كومپانييالاردى كەڭٸنەن تارتۋ قاجەت ەكەنٸنە نازار اۋداردى.
– جوبالاردى جٷزەگە اسىرۋ بارىسىندا بيۋدجەتتٸ بارىنشا تيٸمدٸ پايدالانۋ جەنە وتاندىق ٶنٸمدەردٸڭ كٶلەمٸن ارتتىرۋ باستى قاعيدات بولۋى كەرەك, – دەدٸ مەملەكەت باسشىسى.
بۇدان بٶلەك ٷكٸمەتكە جىل سوڭىنا دەيٸن كەدەندٸك رەسٸمدەۋ ٷدەرٸسٸن جەنە شەكارالىق باقىلاۋدى تولىق اۆتوماتتاندىرۋ تاپسىرىلدى.
جيىن بارىسىندا يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ, ەنەرگەتيكا مينيسترٸ بولات اقشولاقوۆ, «قازاقستان تەمٸر جولى» ۇك» اق باسقارما تٶراعاسى نۇرلان ساۋرانباەۆ بايانداما جاسادى. سونداي-اق تالقىلاۋعا پرەمەر-مينيستر ەليحان سمايىلوۆ, پرەمەر-مينيستردٸڭ ورىنباسارى – قارجى مينيسترٸ ەرۇلان جاماۋباەۆ, «قازمۇنايگاز» ۇك» اق باسقارما تٶراعاسى ماعزۇم مىرزاعاليەۆ قاتىستى.
